10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Միհրան Պողոսյանը՝ կոռուպցիայի դեմ պայքարի դրոշակակիր
30.06.2017 | 17:17
Ազգային ժողովի Հանրապետական խմբակցության պատգամավոր Միհրան Պողոսյանը կողմ է կոռուպցիայի կանխարգելման դեմ հանձնաժողովի ստեղծմանը և համարում է, որ նման հանձնաժողով ստեղծելու կարիք կար: Այս մասին այսօր խորհրդարանում լրագրողների հետ զրույցում ասաց Հանրապետական պատգամավորը:
«Հանձնաժողովը նաև նրա համար է, որ իրավական համակարգի ունեցած բացերը մատնացույց անի»,- նշեց պատգամավորը, երբ լրագրողները հետաքրքրվեցին, թե ինչպես կարող է համակարգը գործել, երբ թերանում է իրավական համակարգը:
Հիշեցնենք՝ հունիսի 9-ին խորհրդարանը միաձայն ընդունեց «Կոռուպցիայի կանխարգելման հանձնաժողովի մասին» օրենքի նախագիծը: Կոռուպցիայի կանխարգելման հանձնաժողովը, որը բաղկացած կլինի 5 անդամից, հետևելու է բարձրաստիճան պաշտոնատար անձանց անհամատեղելիության պահանջների պահպանմանը, ստուգելու և վերլուծելու է պաշտոնյաների հայտարարագրերը:
Մանրամասները՝ տեսանյութում
Շողիկ Գալստյան
