16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ՌԴ-ի դեմ ԵՄ նոր պատժամիջոցները կարող են վերաբերվել ԱԹՍ-ի ոլորտին
Քաղաքականություն
05.12.2022 | 16:45
Եվրամիությունը Ռուսաստանի դեմ պատժամիջոցների իններորդ փաթեթի շրջանակում դիտարկում է անօդաչու թռչող սարքերի (ԱԹՍ) ոլորտում սահմանափակումներ մտցնելու հնարավորությունը։ Այս մասին գրում է Bloomberg-ը, որին վկայակոչում է ՏԱՍՍ-ը։
Աղբյուրների համաձայն՝ նոր սահմանափակումների առաջարկը կարող է պաշտոնապես ներկայացվել ու քննարկվել այս շաբաթ։ ԵՄ-ն նախատեսում է համաձայնեցնել պատժամիջոցների փաթեթը՝ հաջորդ շաբաթ նախանշված անդամ երկրների ղեկավարների հանդիպումից առաջ:
Ավելի վաղ էլ Politico-ն, վկայակոչելով դիվանագետներին, տեղեկացրել էր, որ Եվրահանձնաժողովը և ԵՄ երկրների ներկայացուցիչները հանգստյան օրերին քննարկել են Մոսկվայի դեմ պատժամիջոցների 9-րդ փաթեթի պատրաստումը։ Առաջարկվում է պատժամիջոցային ցուցակներում 180 նոր ֆիզիկական ու իրավաբանական անձի ներառել։
Հավելենք, որ ԵՄ-ն պատժամիջոցների արդեն ութ փաթեթ է ընդունել ՌԴ-ի դեմ՝ Ուկրաինա ներխուժման պատճառով։
Էմմա Չոբանյան
