26.11.2024 | 09:46
Հրդեհ Գառնի գյուղում․ այրվել են ավտոտնակը, թոնրատունը և անասնագոմը՝ մասամբ
ԱՄՆ-ը Մերձավոր Արևելքից NASAMS համակարգերը կարող է տեղափոխել Ուկրաինա
Քաղաքականություն
02.12.2022 | 16:12
Ամերիկայի Միացյալ Նահանգները և դաշնակիցների հետ աշխատում է Մերձավոր Արևելքի երկրներիվ NASAMS մի քանի հակաօդային պաշտպանության համակարգեր Ուկրաինային փոխանցելու ուղղությամբ։ Այս մասին հինգշաբթի օրը՝ դեկտեմբերի 1-ին, հայտարարել է հակաօդային պաշտպանության համակարգեր արտադրող Raytheon Technologies ընկերության գործադիր տնօրեն Գրեգ Հեյսը, գրում է Politico-ն։
Նրա կարծիքով՝ առաջիկա 3-6 ամսվա ընթացքում հնարավոր է Ուկրաինա ուղարկել առաջադեմ զենիթահրթիռային համակարգեր, այնուհետ ԱՄՆ-ն առաջիկա 24 ամիսների ընթացքում դրանք կփոխարինի Մերձավոր Արևելքում նոր NASAMS-ով, ասել է ընկերության ղեկավարը։
«Մերձավոր Արևելքում տեղակայված են NASAMS համակարգեր․ՆԱՏՕ-ից մեր որոշ դաշնակիցներ և մենք (ԱՄՆ) իրականում աշխատում ենք մերձավորարևելյան մի քանի երկրների հետ, որոնք ներկայումս օգտագործում են NASAMS-ը ,և փորձում են դրանք ուղարկել Ուկրաինա», – ասել է Հեյսը: ՀՕՊ այդ համակարգերը Ուկրաինային փոխանցելու մասին համաձայնագիրը դեռ պետք է հաստատի ԱՄՆ նախագահ Ջո Բայդենի վարչակազմը։
Նա չի նշել Մերձավոր Արևելքի երկրների անունները, որոնք կարող են մատակարարել NASAMS-ը, սակայն համաձայն Անվտանգության համագործակցության գործակալության (DSCA), որին մեջբերում է հրատարակությունը, Օմանը և Քաթարը տարածաշրջանում այդ համակարգերի գնորդներն են։
Հիշեցնենք, որ Պենտագոնը և ամերիկյան Raytheon Technologies ընկերությունը 1,2 միլիարդ դոլար արժողությամբ պայմանագիր են կնքել Ուկրաինայի համար NASAMS հակաօդային պաշտպանության համակարգի գնման համար։
Տաթև Ֆռանգյան
