02.03.2026 | 18:25
Արման Ծառուկյանը պատմել է՝ ինչու է մենամարտի վերջում հարվածել մրցակցին
Եթե մեկը Հանրապետության հրապարակում «բուդկա» դնի՝ տարիներով պիտի պայքարենք, որ հանենք․ Փաշինյան․ ՏԵՍԱՆՅՈՒԹ
Տեսանյութեր
01.12.2022 | 11:51
Քաղաքաշինության ոլորտում կարգուկանոն հաստատելը շատ կարևոր է։ Այս մասին այսօր կառավարության նիստում հայտարարեց վարչապետ Նիկոլ Փաշինյանը:
«Եթե որևէ մեկը հասցնի գիշերվա ընթացքում Հանրապետության հրապարակի կենտրոնում «բուդկա» դնի, հետո կարող է պարզվի, որ մենք պետք է տարիներով դատական պրոցեսներով անցնենք, որ այդ «բուդկան» հանենք․․․
Հիմա մենք դեպքեր ունենք, որ ինչ-որ մեկը Երևանի զբոսայգիներում բերել մի ժանգոտ «բուդկա» է դրել 25 տարի առաջ ու մինչև հիմա մեր պետական մարմինները երևի մի 500-600 կգ թուղթ են գրել այդ ապօրինի կառույցի վերաբերյալ։
Հանրային շահը չի կարող ստորադասվել մեկ կրպակի նկատմամբ որևէ իրավունք ունեցող անհատի շահին։ Մենք պետք է այդ խնդիրները լուծենք՝ կայացնելով նաև քաղաքական որոշումներ»,- նշեց վարչապետը:
«Եթե այս համատեքստում նաև սրա հետ կապված օրենսդրական փոփոխությունների կարիք ունենք, եկեք անենք այդ օրենսդրական փոփոխությունները, որովհետև երբեմն տպավորություն եմ ստանում, որ մեր օրենսդրական կարգավորումները ոչ թե օրինականությունը, այլ՝ ապօրինությունները պաշտպանելու համար են: Չի կարելի այդպես շարժվել: Չի կարող հանրային շահը ստորադասվել անհատական շահին: Պետք է գտնել օրենսդրական լուծումները»,- շեշտեց Նիկոլ Փաշինյանը:
Մանրամասները՝ տեսանյութում։
