16.05.2024 | 09:58
ՀՀ տարածքում կա փակ ավտոճանապարհ, Սյունիքի մարզի բարձրադիր գոտիներում մառախուղ է
«Կեղծ է ու զրպարտիչ»․Ադրբեջանի ԱԳՆ-ի նյարդային արձագանքը Ֆրանսիայի ԱԺ-ի ընդունած բանաձևին
Քաղաքականություն
01.12.2022 | 12:15
Բաքվի ԱԳՆ-ն, ինչպես և սպասվում էր, բավական նյարդային է արձագանքել նախօրեին Ֆրանսիայի Ազգային ժողովի միաձայն ընդունած Հայաստանին աջակցող ու Ադրբեջանի նկատմամբ պատժամիջոցներ առաջարկող բանաձևին։
«Նշված բանաձեւը նպատակ ունի խաթարել Ադրբեջանի և Հայաստանի միջև հարաբերությունների կարգավորման գործընթացը, ինչպես նաև տարածաշրջանում խաղաղություն և հանգստություն հաստատելու ջանքերը։ Բանաձևը, որը հակասում է միջազգային իրավունքի նորմերին և սկզբունքներին, ևս մեկ անգամ հստակորեն ցույց է տալիս Ֆրանսիայի կողմնակալ քաղաքական դիրքորոշումը, համապատասխանաբար, նրա անկարողությունը հանդես գալ որպես անաչառ և արդար միջնորդ»,-ասվում է հայտարարության մեջ, որում այդպես էլ չի նշում, թե ինչով է այն հակասում միջազգային իրավունքի նորմերին։
Բաքուն նաև պնդում է, թե փաստը, որ Ֆրանսիայի կառավարության ներկայացուցիչը փաստացի պաշտպանել է այս բանաձևը լսումներում ևս մեկ անգամ ցույց է տալիս, որ այս բանաձևի հետևում կանգնած է Ֆրանսիայի կառավարությունը, որը վերջին շրջանում «տարբեր հարթակներում բացահայտորեն քարոզում է հակաադրբեջանական նախաձեռնություններ»։
«Մենք վճռականորեն մերժում ենք այս բանաձևը, ինչպես և մյուս սադրիչ քայլերը Ֆրանսիայի կողմից ձեռնարկված, այդ թվում՝ Սենատի ավելի վաղ ընդունած բանաձևը»,-ասվում է հայտարարության մեջ։
Էմմա Չոբանյան
