16.12.2025 | 20:19
«Առանց հանգստյան օրերի». երբ պատրաստ կլինեն 300 դպրոցները և Ակադեմիական քաղաքը՝ ըստ Անդրեասյանի
ԱԺ աշխատանքները բոյկոտելը քաղաքական առումով ոչ ցանկալի է, բայց իրավական տեսանկյունից ոչինչ չի փոխվի․ Վարդանյանը՝ ընդդիմադիրների մանդատները վայր դնելու մասին․ ՏԵՍԱՆՅՈՒԹ
Քաղաքականություն
30.11.2022 | 16:51
ՀՀ Ազգային ժողովը կշարունակի աշխատել բնականոն հունով՝ անկախ նրանից՝ «Հայաստան» ընդդիմադիր դաշինքի ցուցակի հաջորդ թեկնածուները մանդատներ կվերցնեն, թե ոչ։ Այս մասին այսօր ԱԺ-ում լրագրողների հետ զրույցում նշեց Պետաիրավական հարցերի մշտական խորհրդարանական հանձնաժողովի նախագահ, «Քաղաքացիական պայմանագիր» կուսակցության պատգամավոր Վլադիմիր Վարդանյանը՝ մեկնաբանելով տեղեկությունը, թե «Հայաստան» ընդդիմադիր դաշինքը չի կարողանա համալրել իր շարքերը, քանի որ մանդատները վայր դրած պատգամավորներին, ըստ էության, ոչ ոք չի փոխարինի։
Պատգամավորի խոսքով՝ խորհրդարանն անկախ իրավիճակի հետագա զարգացումից կշարունակի իր աշխատանքը։
«Քաղաքական տեսանկյունից օրենսդիր մարմնի աշխատանքի բոյկոտ ցանկալի չէ, սակայն իրավունքի տեսանկյունից առկա մանդատների համալրումից հրարաժվելը ոչ մի կերպ չի կարող անդրադառնալ Ազգային ժողովի հետագա գործունեության վրա։ Խորհրդարանը բնականոն հունով կշարունակի իր աշխատանքը»,- նշեց Վարդանյանը։
Հիշեցնենք, որ ընդդիմադիր «Հայաստան» դաշինքի մի քանի պատգամավոր հայտարարել է մանդատները վայր դնելու մասին։ Նախօրեին դաշինքի մաս կազմող «Վերածնվող Հայաստան» կուսակցությունը հայտարարել էր խորհրդարանում աշխատանքը դադարեցնելու մասին։ Կուսակցությունից երեք պատգամավորներ՝ Վահե Հակոբյանը, Լիլիթ Կիրակոսյանը և Հռիփսիմե Ստամբուլյանը, մանդատները վայր դնելու մասին դիմում էին ներկայացրել։ Ավելի վաղ հայտնի էր դարձել Արամ Վարդևանյանի մանդատը վայր դնելու մասին։
Մանրամասները՝ տեսանյութում։
