26.11.2024 | 10:57
Լեհաստանի նախագահն այցելել է Հայոց ցեղասպանության հուշահամալիր
Չինաստանը Հնդկաստանին մեղադրել է երկկողմ համաձայնագրերը խախտելու մեջ
Քաղաքականություն
30.11.2022 | 19:36
Չին-հնդկական սահմանի մոտ ԱՄՆ-ի հետ համատեղ զորավարժություններ անցկացնելով՝ Նյու Դելին խախտում է Պեկինի հետ ձեռք բերված պայմանավորվածությունները։ Այս մասին այսօր՝ նոյեմբերի 30-ին, հայտարարել է Չինաստանի ԱԳՆ պաշտոնական ներկայացուցիչ Չժաո Լիջյանը, փոխանցում է EADaily-ն։
«Հնդկաստանի և ԱՄՆ-ի միջև համատեղ զորավարժությունները չին-հնդկական սահմանի մոտ հակասում են Չինաստանի և Հնդկաստանի կողմից 1993 և 1996 թվականներին ստորագրված համաձայնագրերին և չեն նպաստում երկու երկրների միջև փոխվստահության աճին», – ասել է դիվանագետը: Նա հավելել է, որ Չինաստանն արդեն տեղեկացրել է հնդկական կողմին իր անհանգստության մասին։
Չինաստանի և Հնդկաստանի միջև 1993 և 1996 թվականներին կնքված համաձայնագրերով կողմերը պայմանավորվել էին զորավարժություններ չանցկացնել փաստացի շփման գծի անմիջական հարևանությամբ:
Տաթև Ֆռանգյան
