30.10.2026 | 16:38
Օլեշկիում սկսվել է բնակիչների տարհանումն ու մարդասիրական օգնության բաշխումը
Դրական է ընթանում․ Էրդողանի խորհրդականը` Հայաստանի հետ հարաբերությունների կարգավորման մասին
Քաղաքականություն
29.11.2022 | 17:45
Թուրքիայի նախագահ Ռեջեփ Թայիփ Էրդողանի մամուլի խոսնակ, գլխավոր խորհրդական Իբրահիմ Քալընը AHaber-ին տված հարցազրույցում խոսել է նաև Հայաստանի հետ հարաբերությունների կարգավորման գործընթացից, գրում են թուրքական լրատվամիջոցները։
«Մեր հատուկ ներկայացուցիչները պարբերաբար քննարկում են այդ հարցերը։ Կարելի է ասել է, որ դրական գործընթաց է ընթանում։ Անձնագրերի թույլտվությունների տրամադրումը և այլ քայլեր, որոնք անհրաժեշտ է առաջիկայում ձեռնարկել։ Անցած օգոստոսին որոշակի սադրանքներ եղան, Ադրբեջանը քայլեր ձեռնարկեց։ Հիմա նորմալ է։ Լուծման գործընթաց է մտել, սա շատ կարևոր է։ Ստեղծվել են այնպիսի շփումներ, որոնք չէին կարող հաստատվել 30 տարի, ինչը շատ կարևոր է։ Հանդիպել են մեր երկրի նախագահն ու Հայաստանի վարչապետը. հիմա առաջին անգամն է, որ նման մակարդակի ինչ-որ բան է տեղի ունենում»,- ասել է Քալընը։
Հիշեցնենք, որ ՀՀ վարչապետ Նիկոլ Փաշինյանն ու Թուրքիայի նախագահ Ռեջեփ Թայիփ Էրդողանը հանդիպել էին հոկտեմբերի 6-ին Պրահայում։
Էմմա Չոբանյան
