16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Անկարան համակարգել է Սիրիայի հյուսիսում ռազմական օպերացիան Մոսկվայի հետ․ Իբրահիմ Քալըն
Քաղաքականություն
29.11.2022 | 21:18
Անկարան համակարգել է իր գործողությունները Մոսկվայի հետ Սիրիայի ու Իրաքի հյուսիսում ռազմաօդային գործողության ընթացքում։ Այս մասին թուրքական AHaber հեռուստաալիքի հետ հարցազրույցում հայտարարել է Թուրքիայի նախագահ Ռեջեփ Թայիփ Էրդողանի մամուլի խոսնակ, գլխավոր խորհրդական Իբրահիմ Քալընը, գրում է Ռիա Նովոստին։
«Ինչպե՞ս ենք մենք մտել Թել-Ռիֆատի օդային տարածք։ Դա քննարկել ենք , մեր գործողությունները համակարգել ՌԴ-ի հետ։ Մենք նախատեսում ենք, քննարկում, համակարգում, գործում»,-ասել է Քալընը։ Նա նաև նշել է, որ Թուրքիան Սիրիայում ցամաքային գործողություն կիրանացնի այն ժամանակ, երբ անհրաժեշտ համարի։
«Օպերացիան կարող է անցկացվել ցանկացած պահի, այսօր, վաղը, մեկ շաբաթից։ Դրա համար ամեն ինչ պատրաստ է, այն կսկսվի ճիշտ ժամանակին»,-ասել է Քալընը՝հավելելով, որ Անկարան մտադիր չէ դրա համար որևէ մեկից թույլտվություն խնդրել կամ հաշվետու լինել դրա իրականացման համար, բացի այդ՝ նախապես չի զգուշացնելու որևէ մեկին սկսվելու մասին։
«Թուրքիան պարտավոր չէ որևէ մեկի առաջ հաշվետու լինել հարցերի շուրջ, որոնք վերաբերում են անվտանգության հետ կապված վտանգների վերացմանը։ Այլ բան է, որ կարող է նման գործողությունները քննարկել իր դաշնակիցների ու հարևանների հետ, ինչը և անում է»,-ասել է Էրդողանի խոսնակը։ Նա նաև հայտնել է, որ Թուրքիան Սիրիայի հետ հատուկ ծառայությունների մակարդակով շփումները շարունակում է։
Հիշեցնենք,որ Թուրքիան նոյմեբերի 20-ին ռազմաօդային օպերացիա է իրականացրել Սիրիայի ու Իրաքի հյուսիսում իբր «քուրդ ահաբեկիչների դեմ»։ Օդային գործողությունները մինչ օրս տարբեր ինտենսիվությամբ շարունակվում են։
Էմմա Չոբանյան
