16.09.2026 | 10:22
Լոս Անջելեսում լրատվամիջոցի ուղղաթիռ է վթարի ենթարկվել․ զոհվել է երեք մարդ․ ՏԵՍԱՆՅՈՒԹ
Վաշինգտոնն ու Մոսկվան միջուկային ռիսկերը քննարկելու համար ունեն շփման միջոց․ ՌԴ-ում ԱՄՆ գործերի հավատարմատար
Քաղաքականություն
28.11.2022 | 16:06
ԱՄՆ Կենտրոնական հետախուզական վարչության ու ՌԴ Արտաքին հետախուզության ծառայության ղեկավարներ Ուիլիամ Բերնսկի ու Սերգեյ Նարիշկինի միջև առկա շփման ուղին ռիսկերի կառավարման համար է, հատկապես միջուկային։ Այս մասին Ռիա Նովոստիի հետ զրույցում հայտարարել է ՌԴ-ում ԱՄՆ գործերի ժամանակավոր հավատարմատար Էլիզաբեթ Ռուդը։
«ԱՄՆ-ն ու ՌԴ-ն ունեն շփման ուղիներ ռիսկերի կառավարման համար, հատկապես՝ միջուկային։ Եվ հենց այդ հարցն է եղել ԿՀՎ տնօրեն Բերնսի և նրա ռուս գործընկերոջ հանդիպման նպատակը։ Պարոն Բերնսը որևէ բանակցություն չի վարել ու քննարկել Ուկրաինայի հակամարտության կարգավորումը»,-ասել է Ռուդը։ Նա նշել է, որ անհրաժեշտության դեպքում Մոսկվան և Վաշինգտոնը կրկին կարող են օգտվել կապի այդ միջոցից։
Հիշեցնենք, որ Բերնսի ու Նարիշկինի հանդիպումը տեղի էր ունեցել Անկարայում նոյեմբերի 14-ին։
Էմմա Չոբանյան
