23.11.2024 | 11:23
Արտարժույթների փոխարժեքները՝ նոյեմբերի 23-ի դրությամբ
Շիրակի մարզպետի եղբորը բերման են ենթարկել, հակառակորդը դարձյալ կրակ է արձակել․ ԼՈՒՐԵՐ
Քաղաքականություն
25.11.2022 | 13:10
- Նոյեմբերի 24-ին՝ ժամը 21:30-22:30-ը, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ․ տեղեկացնում են ՀՀ ՊՆ-ից։ Հայկական կողմը կորուստներ չունի: Նոյեմբերի 25-ի՝ ժամը 08:30-ի դրությամբ, իրադրությունն առաջնագծում հարաբերականորեն կայուն է:
- «Ադրբեջանն օգոստոսին վերահսկողության տակ վերցրեց Սարիբաբա բարձունքը, սակայն միայն նոյեմբերին հայտարարեց այնտեղ նոր ականների առկայության մասին։ Ինչո՞ւ։ Որովհետև սեպտեմբերին նրանք ներխուժեցին Ջերմուկ՝ Հայաստանի ինքնիշխան տարածք, այնտեղից ականներ տեղափոխեցին Սարիբաբա, որպեսզի Հայաստանին սուտ մեղադրանքներ ներկայացնեն Լաչինի միջանցքով զինամթերք տեղափոխելու մեջ»,- այս մասին թվիթերյան իր էջում գրել է ՀՀ հատուկ հանձնարարություններով դեսպան Էդմոն Մարուքյանը։
- Շիրակի մարզի քննչական վարչությունում ուսումնասիրվում է Պեմզաշենում՝ սպանդի վայրից, սպանված 31-ամյա մոր ու նրա երկու անչափահաս զավակների լուսանկարի տարածումը։ Ինչպե՞ս է հայտնվել լուսանկարը քաղաքացիների մոտ․ հարցն այս պահին փորձում են պարզել իրավապահ մարմինները։
Այս ժամի լուրերը՝ տեսանյութում։
