31.10.2026 | 22:55
Հայտնաբերվել է զինծառայողի դի. ՊՆ
Մեծ Բրիտանիայի ԱԳՆ ղեկավարը ժամանել է Կիև
Քաղաքականություն
25.11.2022 | 12:42
Մեծ Բրիտանիայի արտաքին գործերի նախարար Ջեյմս Քլեվերլին այցով ժամանել է Ուկրաինա։ Այս մասին նա նոյեմբերի 25-ին հայտնել է Twitter-ում՝ լուսանկար հրապարակելով իր ուկրաինացի գործընկեր Դմիտրի Կուլեբայի հետ։
«Այս ձմռանը բառերը լույս չեն տա: Խոսքերը չեն պաշտպանի ռուսական հրթիռներից: Մեծ Բրիտանիան միայն Ուկրաինայի մասին չի խոսում, մենք կոնկրետ աջակցություն ենք ցուցաբերում Ուկրաինայի պաշտպանությանը»,- գրել է Քլեվերլին։
Ավելի վաղ հաղորդվել էր, որ նա հանդիպումներ կունենա Կուլեբայի և նախագահ Վլադիմիր Զելենսկիի հետ։
Բրիտանացի պաշտոնյան նաև հայտարարել է Ուկրաինային օգնության նոր փաթեթի մասին, որը ներառում է 3 միլիոն ֆունտ սթեռլինգ կենսական ենթակառուցվածքների վերականգնման համար և 5 միլիոն ֆունտ սթերլինգ՝ հացահատիկային նախաձեռնության համար:
Տաթև Ֆռանգյան
