24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Ֆելիքս Ցոլակյանը խնդրում է որդուն, որ գնա ծառայի
Հասարակություն
30.06.2017 | 15:12
Շիրակի նախկին մարզպետ, ԱԺ ՀՀԿ խմբակցության պատգամավոր Ֆելիքս Ցոլակյանի խոսքով՝ իր որդին՝ Վարդան Ցոլակյանը, պարտադիր զինվորական ծառայությունից ազատվել է օրենքով սահմանված կարգով:
«Իմ որդին 2005 թվականին ասպիրանտուրան ավարտելուց հետո գիտությունների թեկնածուի դիսերտացիա է պաշտպանել, այդ ժամանակ օրենքն ազատում էր ծառայությունից: Մասնագիտությամբ տնտեսագետ է»,- Factor.am-ի հետ զրույցում նշեց ՀՀԿ-ական պատգամավորը՝ մանրամասնելով, որ դրանից հետո իր որդին մի քանի տարի դասավանդել է Երևանի պետական համալսարանում, ապա աշխատանքի անցել մասնավոր ընկերությունում:
Ի դեպ, պատգամավորը վստահեցրեց, որ անգամ ցանկանության դեպքում չէր կարող որդու որոշումների վրա ազդեցություն ունենալ: «Հիմա էլ 40 տարեկան է, խնդրում եմ իրեն թող գնա ծառայի»,- կատակելով հավելեց Ֆելիքս Ցոլակյանը:
Հավելենք, որ այսօր խորհրդարանում հենց լրագրողները մոտենում էին պատգամավորներին, վերջիններս հորդորում էին բանակում որդիների ծառայության մասին հարցեր չտալ: Նշենք, որ Factor.am-ի «Ո՞ր բարձրաստիճան պաշտոնյաների զավակները չեն ծառայել Հայոց բանակում և ի՞նչ հիմքերով» վերտառությամբ հրապարակումից հետո պաշտոնյաները փորձում են պարզաբանել իրենց որդիների՝ բանակում չծառայելու փաստը:
Շողիկ Գալստյան
