26.08.2026 | 12:45
Սերժ Սարգսյանի նկատմամբ խափաման միջոց է ընտրվել բացակայելու արգելքը
ՀԱՊԿ-ը նոր գլխավոր քարտուղար ունի, ԵԽ-ն ՌԴ-ն ճանաչեց ահաբեկչության հովանավոր պետություն․ ԼՈւՐԵՐ
23.11.2022 | 19:10
- Երևանում ՀԱՊԿ խորհրդի նիստում ՀՀ վարչապետ Նիկոլ Փաշինյանը հայտարարեց, որ ՀԱՊԿ-ին Հայաստանի անդամակցությունը չի զսպել Ադրբեջանին, որը վերջին 2 տարում առնվազն 3 անգամ հարձակվել է ՀՀ-ի վրա. «Մինչ օրս մեզ չի հաջողվել ընդդեմ Հայաստանի Ադրբեջանի ագրեսիվ գործողություններին ՀԱՊԿ արձագանքի մասին համաձայնության գալ։ Այս փաստերը հսկայական վնաս են հասցնում ՀԱՊԿ-ի հեղինակությանը՝ ինչպես մեր երկրի ներսում, այնպես էլ դրա սահմաններից դուրս, և ես սա դիտարկում եմ որպես ՀԱՊԿ-ում ՀՀ նախագահության գլխավոր ձախողումը»,- ընդգծել է Փաշինյանը։
- Ղազախստանի ներկայացուցիչ Իմանգալի Տասմագամբետովը կկատարի Հավաքական անվտանգության պայմանագրի կազմակերպության գլխավոր քարտուղարի պարտականությունները։ Այս մասին ՀԱՊԿ Հավաքական անվտանգության խորհրդի նիստի ժամանակ հայտարարել է Հայաստանի վարչապետ Նիկոլ Փաշինյանը։ «Ցանկանում եմ նշել, որ Ստանիսլավ Զասն ավարտում է իր եռամյա գործունեությունը ՀԱՊԿ գլխավոր քարտուղարի պաշտոնում, և ուզում եմ շնորհակալություն հայտնել նրան բարեխիղճ աշխատանքի համար»,- ասել է ՀՀ վարչապետը։
- ՄԱԿ-ը շնորհակալություն է հայտնում Հայաստանին խաղաղության պահպանման գործում ունեցած ներդրման համար, այս մասին հայտնում է ՄԱԿ-ի հայաստանյան գրասենյակը։ «ՄԱԿ-ի գլխավոր քարտուղարի Խաղաղությանն ուղղված գործողությունների գծով տեղակալ Ժան-Պիեռ Լակրուան իր երախտագիտությունն է հայտնում ՄԱԿ խաղաղապահ գործողություններին Հայաստանի ցուցաբերած վճռական աջակցության, ռազմական, ոստիկանական անձնակազմի ծառայության և անձնազոհության համար»,- նշված է հայտարարության մեջ։
Այս ժամի լուրերը՝ տեսանյութում։
