15.06.2026 | 17:17
Փաշինյանի գլխավորությամբ քննարկվել են արտահանման խթանման ծրագրերն ու առաջիկա քայլերը
Եթե ես կուսակցությունից ու խմբակցությունից դուրս գայի, մանդատս կդնեի. Գևորգ Կոստանյան. ՏԵՍԱՆՅՈՒԹ
Քաղաքականություն
06.06.2018 | 14:20
Ազգային ժողովի ՀՀԿ խմբակցության պատգամավոր Գևորգ Կոստանյանի խոսքով՝ Կառավարության գործունեության ծրագիրը, միջազգային իրավունքում հայտնի տերմինի համաձայն, նպատակների հուշագիր է։
Այս մասին այսօր օրենսդիրում ասաց պատգամավորը՝ նշելով, որ դասական իրավական տեսակետից Կառավարության գործունեության ծրագրում չկա նպատակների իրագործման մեթոդիկա և կոնկրետ քայլերի հաջորդականություն: «Եթե Կառավարության գործունեության ծրագիրը մեր խմբակցության կողմից հավանության արժանանա, արտահերթ ընտրությունների դրույթը ևս հավանության կարժանանա»,- ասաց պատգամավորը։
Խոսելով այս օրերին ՀՀԿ կուսակցությունն ու խմբակցությունը լքած հանրապետականների մասին՝ ասաց, որ նրանց այդ որոշումը իրեն բացարձակ չի մտահոգում: «Բարոյական կողմից իմ գործընկերների քայլերին չանդրադառնամ, բայց եթե ես կուսակցական լինեի և խմբակցության կազմը լքեի, մանդատս վայր կդնեի մի պատճառով, որ պառլամենտում հայտնվել ես այդ կուսակցության քվոտայով։ Ես էդպես կվարվեի, անգամ եթե հիմա դուրս գամ խմբակցությունից, անմիջապես վայր կդնեմ մանդատս»,- ասաց պատգամավորը։
Մանրամասները՝ տեսանյութում։
