31.10.2026 | 14:42
COP17-ի շրջանակում ընդունվել է շուրջ 50 որոշում․ արդյունքները գերազանցել են սպասելիքները․ նախարար
Ֆրանսիան ու Կիպրոսը համատեղ զորավարժություններ են անցկացրել
Քաղաքականություն
20.11.2022 | 11:38
Նոյեմբերի 14-ից 18-ը Կիպրոսում անցկացվել են Bold Wings – 2022 կոչվող զորավարժությունները Կիպրոսի Հանրապետության Ազգային գվարդիայի և Ֆրանսիայի զինված ուժերի հատուկ գործողություններ իրականացնելու համար պատասխանատու ստորաբաժանումների կողմից։ Այս մասին շաբաթ օրը հայտարարել է Կիպրոսի պաշտպանության նախարարությունը, որը մինչ այդ չէր հայտնել այս զորավարժությունների մասին, գրում է ՏԱՍՍ-ը:
«Զորավարժությունների սցենարը ներառում էր տարբեր տեսակի անհատական և խմբակային կրակոցներ մարտական զենքից, ինչպես նաև` անձնակազմի կողմից ազատ անկման ժամանակ ցատկ կատարելու ուսուցում»,- ասվում է հաղորդագրության մեջ։
Կղզու ռազմական գերատեսչությունը նաև տեղեկացրել է, որ այս զորավարժություններն իրականացվել են Կիպրոսի Հանրապետության և Ֆրանսիայի միջև պաշտպանական երկկողմ համագործակցության ծրագրի շրջանակներում և նախատեսված են երկու երկրների զինված ուժերի «պատրաստման և փոխգործունակության մակարդակի» բարձրացման համար։
Նշվում է, որ Կիպրոսն ավանդաբար դիտարկում է Ֆրանսիան որպես իր գլխավոր քաղաքական և ռազմական դաշնակից Արևմտյան Եվրոպայում, ինչը հաստատվում է Կիպրոսի բացառիկ տնտեսական գոտում երկու երկրների զինված ուժերի մասնակցությամբ ռազմական և որոնողափրկարարական զորավարժություններով, ինչպես նաև` Ֆրանսիայի ռազմածովային նավատորմի դրոշակակրի՝ «Շառլ դը Գոլ» ավիակրի տարեկան այցերը Լիմասոլ ծովային նավահանգիստ:
