05.10.2026 | 18:30
Գերմանիայի հետախուզության ղեկավարը հայտարարել է, որ Բեռլինին ռազմական հակամարտություն է սպառնում Ռուսաստանի հետ
Շատ դեպքերում պարզվել է՝ մեր դեսպանատունը շենքի միջանցք է․ Փաշինյան. ՏԵՍԱՆՅՈՒԹ
Քաղաքականություն
16.11.2022 | 17:36
«Մենք նկատեցինք, որ մեր դեսպանատների ֆինանսավորմանը մասնակցում են մասնավոր անձինք. հասկանալի է և շնորհակալ ենք, որ 90-ականներին, երբ կարգին բյուջե չի եղել, դեսպանատներ հիմնելու համար աջակցել են։ Ես խնդիր եմ դրել ու արգելել եմ ֆինանսավորումը»,- ԱԺ-կառավարություն հարցուպատասխանի ընթացքում հայտարարեց վարչապետ Նիկոլ Փաշինյանը։
«Պատկերացնո՞ւմ եք, օրինակ, ասենք՝ ԱԺ այսօրվա նիստերի հովանավորն է այսինչ այսինչյանը։
Տարօրինակ հանգամանքներ են բացահայտվում, շատ տեղերում մեզ թվացել է, որ շատ ուժեղ համայնք ունենք, բայց պարզվել է, որ մեր դեսպանատունը մի շենքի միջանցք է։ Այդտեղ մենք նորմալ շենքեր ենք ձեռքբերում, որպեսզի երկիրը ներկայանալի լինի», – ասաց վարչապետը։
Անդրադառնալով քաղաքական նշանակումներին՝ Փաշինյանը հիշեցրեց՝ 2018 թվականին հայտարարել է, որ այն պետք է նվազագույնի հասցնել։
«Հիմա փոխվել է քաղաքականությունը, որովհետև այն, ինչ արեց արտաքին գործերի նախարարությունը նախարարների և փոխնախարարների մասնակցությամբ․․․ Չի կարող երկրում լինել նախարարություն, որ կառավարության քաղաքականությունը չի կիսում։ Չեն կիսում, թող գնան հանրահավաքի մասնակցեն, ինչը և արել են․․․ Դա իրենց դիվանագիտական պոտենցիալն իրացնելու ամենահարմար հարթակն է», – նշեց Փաշինյանը։
Մանրամասները՝ տեսանյութում։
