05.10.2026 | 18:14
Ջոկովիչը մոտ է հերթական տիտղոսը նվաճելուն
Բաքուն ասում է՝ 2021-ից առաջ էլ ՀՀ-ն մեր տարածքներն է օկուպացրել, հարցնում ենք՝ որոնք են այդ սահմանները․ Փաշինյան․ ՏԵՍԱՆՅՈՒԹ
Քաղաքականություն
16.11.2022 | 17:50
Ադրբեջանն ունի այսպիսի դիրքորոշում՝ 2021-ից առաջ էլ ՀՀ-ն մեր տարածքներն է օկուպացրել և պետք է դուրս գա այդ տարածքներից։
Եթե Ադրբեջանը հայտարարում է, որ Հայաստանը հյուսիս–արևելքում օկուպացիայի տակ է պահում Ադրբեջանի որոշ տարածքներ, նշանակում է` Ադրբեջանը նկատի ունի, որ այդտեղ սահման կա։ Ազգային ժողովում կառավարության հետ հարցուպատասխանի ժամանակ ասաց ՀՀ վարչապետ Նիկոլ Փաշինյանը։
«Մենք ասում ենք` շատ լավ, եկեք հասկանանք, որ եթե ինչ–որ տարածքներից Հայաստանը պետք է դուրս գա, ի՞նչ սահմանով պետք է դուրս գա, որտե՞ղ պետք է գնա։ Դա կարող է հետաքրքիր լինել, որովհետև հենց այդ նույն տարածքներում հայկական չորս գյուղերի տարածքների մեծամասնությունն օկուպացված է»,– ասաց վարչապետը։
Փաշինյանը թվարկեց այն գյուղերը, որոնք 1991 թվականից օկուպացված են Ադրբեջանի կողմից․ «Տավուշի մարզի Բերքաբեր, Պառավաքար գյուղի վարելահողերի մոտ 70 տոկոսը օկուպացված է, օկուպացված են Վազաշեն և Այգեհովիտ գյուղերի վարելահողերը։
«Մենք ասում ենք՝ ցույց տվեք սահմանի գիծը և դրա հետ կապված իրավական հիմնավորումը։ Այդ դեպքում ՀՀ–ն պատրաստ է իրադրությունը զարգացնել ամբողջ սահմանի երկայնքով այնպես, որ ո՛չ ադրբեջանական, ո՛չ հայաստանյան օկուպացված տարածքներ չլինեն»,- նշեց Փաշինյանը՝ վստահեցնելով, որ խոսքը 29 800 կմ ՀՀ տարածքային ամբողջականությունը վերականգնելու և ոչ թե տարածքներ զիջելու մասին է։
Մանրամասները՝ տեսանյութում։
