25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Դոնալդ Թրամփը պաշտոնապես հայտարարել Է 2024թ․ նախագահական ընտրություններին առաջադրվելու մասին
Քաղաքականություն
16.11.2022 | 14:50
ԱՄՆ նախկին նախագահ Դոնալդ Թրամփը հայտարարել է, որ կառաջադրի իր թեկնածությունը 2024 թվականի նախագահական ընտրություններում, փոխանցում է CNN-ը։
«Ամերիկան կրկին մեծ դարձնելու համար ես այսօր առաջադրում եմ իմ թեկնածությունը Միացյալ Նահանգների նախագահի պաշտոնում»,- ասել է Թրամփը՝ ելույթ ունենալով Ֆլորիդայի Մար-ա-Լագոյի իր նստավայրում աջակիցների հետ հավաքի ժամանակ:
Թրամփի ներկայացուցիչներն արդեն փաստաթղթեր են ներկայացրել Դաշնային ընտրական հանձնաժողով՝ ընտրություններին մասնակցելու համար։
Մեկ շաբաթ առաջ նախկին նախագահը նշել էր «մեծ հայտարարություն» անելու մասին։ Մինչ այս, Reuters-ը և The Washington Post-ը հայտնել էին, որ նա ակնկալում է առաջիկայում հայտարարել նախընտրական արշավի մեկնարկի մասին։
«Ես խնդրում եմ ձեր ձայները, ձեր աջակցությունը, բարեկամությունն ու աղոթքը: Դա արտակարգ, բայց վտանգավոր արկած կլինի», – հավելել է նա:
Ավելի քան մեկ ժամ տևած ելույթում ԱՄՆ նախկին նախագահն անդրադարձել է տարբեր հարցերի, այդ թվում՝ անվտանգությանը, էներգետիկ անկախությանը և հանցավորության դեմ պայքարին: Նշենք, որ Թրամփն առաջինն է, որը պաշտոնապես հայտ է ներկայացնում 2024 թվականի ընտրություններին առաջադրվելու համար:
Տաթև Ֆռանգյան
