03.07.2026 | 16:17
ՀՀ-ից երկար բացակայած քաղաքացիները չեն կարողանա մասնակցել ԱԺ ընտրություններին և հանրաքվեներին
Արայիկ Հարությունյանը ցանկանում է ՀՀԿ-ական տեղակալ ունենալ․ ՏԵՍԱՆՅՈՒԹ
Հասարակություն
05.06.2018 | 19:10
Կրթության և գիտության նախարար Արայիկ Հարությունյանն ասյօր Ազգային ժողովում լրագրողների հետ զույցում նշեց, որ ունի փաստեր դպրոցներում կոռուպցիոն գործարքների հետ կապված, որոնք հանձնել է իրավապահ մարմիններին, իսկ այդ դպրոցներում իրականացվելու են նաև աուդիտներ, և, թեև, չեն ցանկանում ԱԱԾ-ով ահ ու սարսափ տարածել դպրոցներում, բայց պետք է հստակ իմանան, որ խախտումների դեպքում որոշակի ընթացակարգեր կկիրառվեն։
Անդրադառնալով դպրոցների տնօրենների հետ կապված աղմկահարույց դեպքրին, երբ տնօրենները ընտրությունների ժամանակ աշխատել էին ՀՀԿ-ականների օգտին, ԿԳ նախարարն ասաց.«Դա այնքան էլ հեշտ գործ չէ: Երկրում տեղի ունեցած քաղաքական փոփոխությունները, իշխանությունների կամքը՝ վերացնել նման դեպքերը, ազդում է այդ երևույթի նվազման վրա: Ամեն դեպքում ես չեմ բացառում, որ նման դեպքեր կլինեն: Նույն դպրոցներում, եթե հարցնեք, կտեսնեք, որ կոռուպցիոն զգալի նվազել է, դրամահավաքները զգալի նվազել են»:
Արայիկ Հարությունյանը նաև նշեց, որ չնայած ստուգումներին, կուսակցական պատկանելության համար մասնագետները դպրոցներից չեն հեռացվելու: «Կուսակցական պատկանելիությունը Սահմանադրությամբ ամրագրված իրավունք է»,- ասաց նախարարը և նշեց, որ այս պահին շատ լուրջ քննարկում է տանում, որպեսզի ԿԳ նախարարի տեղակալի պաշտոնում նշանակի մի մարդու, ով ՀՀԿ-ական է։
Մանրամասները՝ տեսանյութում:
