20.05.2026 | 13:16
Հուշել եմ՝ միլիոնավոր դոլարների է հասնում, մանրամասնել չեմ կարող․ Հայրապետյանը՝ զենքի արտահանման մասին․ ՏԵՍԱՆՅՈՒԹ
Հայկ Կյուրեղյանն ազատ է արձակվել. նա, ամենայն հավանականությամբ, պատիժը կկրի բաց ռեժիմով
Հասարակություն
05.06.2018 | 18:25
Հայկ Կյուրեղյանն ազատ է արձակվել «Նուբարաշեն» ՔԿՀ-ից ու տունդարձի ճանապարհին է. այս մասին Factor.am-ին ասաց Հայկի հայրը՝ Արմենակ Կյուրեղյանը:
«Որևէ մեկը չի դիմավորել, մենակ է գալիս, տաքսու մեջ է»,- ասաց նա:
Նշենք, որ Կյուրեղյանին երեկ «Արմավիր» ՔԿՀ-ից տեղափոխել էին «Նուբարաշեն» ՔԿՀ՝ պատժի կրման կիսափակ ռեժիմը բաց տիպի ռեժիմով փոխարինելու պատճառով: Իսկ բաց տիպի ՔԿՀ-ի դատապարտյալը կարող է առավոտյան 08:00-ին գնալ աշխատանքի ու երեկոյան 20:00-ին վերադառնալ ՔԿՀ:
Հիշեցնենք, որ 2014 թվականի հունիսի 12-ին Կենտրոն և Նորք-Մարաշ վարչական շրջանների ընդհանուր իրավասության դատարանի դիմաց, որտեղ պետք է մեկնարկեր Շանթ Հարությունյանի և մյուսների գործով դատական նիստը, Հայկ Կյուրեղյանը բարձրացել էր կայանած ավտոմեքենաներից մեկի տանիքին ու օդամղիչ ատրճանակով կրակոցներ արձակել, որից անմիջապես հետո ձերբակալվել էր ոստիկանների կողմից ու տեղափոխվել ոստիկանության Կենտրոնականի բաժին:
Մեզ հետ զրույցում «Հիմնադիր խորհրդարանի» համակարգող Սյուզան Սիմոնյանը նշեց. « Հայկ Կյուրեղյանը մեկ ամիս արձակուրդի մեջ է լինելու։ Հետո՝ կտեսնենք»:
