25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Ջո Բայդենն ու Սի Ցզինպինը հանդիպման ժամանակ խոսել են միմյանցից ակնկալիքների մասին
Քաղաքականություն
14.11.2022 | 19:36
ԱՄՆ նախագահ Ջո Բայդենը և Չինաստանի նախագահ Սի Ցզինպինը հանդիպել են Ինդոնեզիայում G20-ի գագաթնաժողովի շրջանակում։ Սա նրանց առաջին անձնական հանդիպումն է որպես պետությունների ղեկավարներ. մինչ այդ նրանք շփվել են հեռախոսով և տեսակապի միջոցով։ Բանակցությունները կայացել են Բալիի Mulia հյուրանոցում։
Սի Ցզինպինը հանդիպման ժամանակ Բայդենին ասել է, որ աշխարհն ակնկալում է ավելի լավ հարաբերություններ Չինաստանի և ԱՄՆ-ի միջև, հայտնում է Xinhua-ն։
Նա ասել է, որ հույս ունի ԱՄՆ նախագահի հետ համատեղ աշխատել՝ պետությունների միջև կապերը վերականգնելու համար։ ՉԺՀ-ի ղեկավարը նաև հորդորել է «պատմությանը վերաբերվել հայելու պես և թույլ տալ, որ այն որոշի ապագան»:
Ջո Բայդենը հույս է հայտնել, որ ինքը և Սին կարող են գտնել ուղի՝ միասին աշխատելու գլոբալ խնդիրների շուրջ, որոնք պահանջում են համագործակցություն, հայտնել է Սպիտակ տունը: Նման խնդիրների թվում ամերիկացի առաջնորդը նշել է կլիմայական խնդիրները և սննդի պակասը։
Տաթև Ֆռանգյան
