Քաղաքականություն
11.11.2022 | 14:27
ՌԴ ԶՈւ-ն ավարտել է Դնեպրի աջ ափից զորքերի դուրսբերումը։ Այս մասին հայտնել են ՌԴ Պաշտպանության նախարարությունից։ Գերատեսչության տեղեկությունների համաձայն՝ Դնեպրի ձախ ափ են ուղարկվել բոլոր ռուս զինծառայողները, գրում է ՌԻԱ Նովոստին։
Պաշտպանության նախարարությունը հայտնել է, որ Դնեպրի ձախ ափ անցման ժամանակ ՌԴ ԶՈւ-ն անձնակազմի, սպառազինության, զինտեխնիկայի կորուստներ չի ունեցել։
Նշվում է, որ Դնեպրի աջ ափին ոչ մի միավոր զինտեխնիկա և սպառազինություն չի մնացել։ ՌԴ Զինված ուժերը Դնեպրի ձախ ափին զբաղեցրել են ինժեներական առումով նախապես պատրաստված պաշտպանական գծեր և դիրքեր։
Տաթև Ֆռանգյան
