16.09.2026 | 11:22
«Արարատ-Արմենիան» մեկնարկում է Եվրոպա լիգայի հիմնական փուլում
Չճանաչված Հյուսիսային Կիպրոսը Թյուրքական պետությունների կազմակերպությունում դիտորդի կարգավիճակ է ստացել
Քաղաքականություն
11.11.2022 | 14:43
Ինքնահռչակ Հյուսիսային Կիպրոսի թուրքական հանրապետությունը Թյուրքական պետությունների կազմակերպություններում դիտորդ երկրի կարգավիճակ է ստացել, գրում է Անադոլու գործակալությունը։
Որոշումը կայացվել է Սամարղանդում անցկացվող Թյուրքական պետությունների ու կառավարությունների ղեկավարների 9-րդ գագաթնաժողովում։ Այս մասին թվիթերյան իր գրառմամբ հայտնել է Թուրքիայի ԱԳ նախարար Մևլութ Չավուշօղլուն։
Նա ընդգծել է Անկարայի վճռականությունը՝ շարունակել աջակցել Հյուսիսային Կիպրոսին։
Հյուսիսային Կիպրոսին դիտորդի կարգավիճակ տալն առաջարկել էր Թուրքիայի նախագահ Ռեջեփ Թայիփ Էրդողանը։
«Մենք պետք է Հյուսիսային Կիպրոսին հրավիրենք Թյուրքական պետությունների կազմակերպություն՝ որպես դիտորդ երկիր, և ցույց տանք նրանց մեր բարեկամությունը։ Նրանք ևս մեր եղբայրներն են»,- ասել էր Էրդողանը գագաթնաժողովում ունեցած ելույթում։
Հավելենք, որ Թուրքիայից զատ՝ որևէ երկիր չի ճանաչել Հյուսիսային Կիպրոսը։
Էմմա Չոբանյան
