25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Ջո Բայդենը կհանդիպի Սի Ցզինպինի հետ G20-ի գագաթնաժողովի շրջանակում
Քաղաքականություն
11.11.2022 | 14:20
Սպիտակ տունը հինգշաբթի հայտարարել է ԱՄՆ նախագահ Ջո Բայդենի և Չինաստանի առաջնորդ Սի Ցզինպինի միջև ծրագրված հանդիպման մասին Ինդոնեզիայի Բալի քաղաքում՝ G20 գագաթնաժողովի շրջանակում, որը նախանշված է 2022 թվականի նոյեմբերի 14-ին, գրում է VOA-ն:
Սպիտակ տան մամուլի քարտուղար Կարին Ժան-Պիերը հայտնել է, որ Բայդենը և Սին կքննարկեն ԱՄՆ-ի և Չինաստանի միջև հաղորդակցության գծերը պահպանելու և խորացնելու ջանքերը, պատասխանատվությամբ կառավարելու մրցակցությունը և միասին աշխատելու այնտեղ, որտեղ նրանց շահերը համընկնում են, հատկապես անդրազգային մարտահրավերների ուղղությամբ, որոնք ազդում են միջազգային հանրության վրա:
Երկու երկրների ղեկավարները կքննարկեն նաև մի շարք տարածաշրջանային և գլոբալ խնդիրներ։
Վարչակազմի բարձրաստիճան պաշտոնյան ասել է, որ Բայդենը հույս ունի «հիմք» ստեղծել Չինաստանի հետ հարաբերությունների համար, սակայն նա պատրաստ է բաց քննարկել առկա խնդիրները, ներառյալ՝ Թայվանը և մարդու իրավունքները:
Հանդիպումը տեղի կունենա ԱՄՆ-Չինաստան խորապես լարված հարաբերությունների ֆոնին, հատկապես Ներկայացուցիչների պալատի խոսնակ Նենսի Փելոսիի՝ օգոստոսին Թայվան կատարած այցից հետո։
Վարչակազմի բարձրաստիճան պաշտոնյան հայտնել է, որ հանդիպումից հետո համատեղ հայտարարություն չի լինի, քանի որ կոնկրետ պայմանավորվածություններ չեն ակնկալվում:
Տաթև Ֆռանգյան
