20.04.2026 | 14:13
ՌԴ ԱԴԾ-ն հայտարարել է Գերմանիայի քաղաքացու ձերբակալման մասին՝ ահաբեկչություն նախապատրաստելու մեղադրանքով
Նախարարն առաջարկում է փոխել հոգեկան առողջության խնդիր ունեցող հիվանդների բուժման կարգը․ ՏԵՍԱՆՅՈՒԹ
Հասարակություն
05.06.2018 | 12:56
Առողջապահության նախարարությունը հոգեկան առողջության խնդիր ունեցող մարդկանց խնամքի համար 2017 թվականին տրամադրել է 2,7 մլրդ դրամ։ Այս մասին այսօր Ազգային ժողովում 2017 թվականի պետական բյուջեի կատարման հաշվետվության ժամանակ ասաց առողջապահության նախարար Արսեն Թորոսյանը։
ԱԺ ՀՀԿ խմբակցության պատգամավոր Ջեմա Բաղդասարյանը նախարարից հետաքրքրվեց՝ արդյոք պատրաստվում է այս ոլորտում օպտիմալացում իրականացնել, ըստ որի՝ հստակ կլինի նման խնդիր ունեցող մարդկանց քանի տոկոսը պետք է ստանա պարտադիր հիվանդանոցային բուժում։
Նախարար Թորոսյանը նշեց, որ այս պահին Հոգեբուժության մասին օրենք է շրջանառվում, որով նախատեսվում է ստացիոնարների տեղափոխում դեպի ամբուլատուր բուժում, որը կբերի նաև նման խնդիր ունեցող մարդկանց ստատուսի բարձրացման։ «Հոգեկան առողջության խնդիրը լուրջ է, և համարում եմ, որ հոգեկան առողջության խնդիր ունեցողը պետք է գնա ամբուլատոր սպասարկման, ինչպես ամբողջ աշխարհում է։ Ես կարծում եմ, որ մենք այդ ուղղությամբ պետք է գնանք և ստացիոնարներում պետք է պահենք միայն այն մարդկանց, ովքեր վտանգավոր են»,- ասաց նախարարը։
Ամբողջությամբ՝ տեսանյութում:
