16.09.2026 | 13:16
Քաղաքական մազոխիզմով եք զբաղված, հաճույք եք ստանում ՀՀ սուվերեն տարածքները ծվեն-ծվեն անելուց․Դավթյան․ ՏԵՍԱՆՅՈՒԹ
Ուկրաինայի դեմ պատերազմում ռուսական բանակի կորուստների և վիրավորների թիվը գերազանցում է 100 հազարը․ ԱՄՆ միացյալ շտաբի պետ
Քաղաքականություն
10.11.2022 | 12:45
ԱՄՆ Զինված ուժերի շտաբների պետերի միացյալ կոմիտեի նախագահ գեներալ Մարկ Միլլին հայտարարել է, որ ուկրաինական պատերազմի ժամանակ ավելի քան 100 հազար ռուս զինծառայող է զոհվել և վիրավորվել, և ուկրաինական զինված ուժերը, հավանաբար, նույնպես կրել են նման մեծության կորուստներ, գրում է BBC-ի ռուսական ծառայությունը։
Նյու Յորքի տնտեսական ակումբում ունեցած ելույթի ժամանակ Միլլին ասել է նաև, որ իր գնահատականներով նաև սպանվել է Ուկրաինայի՝ շուրջ 40 հազար խաղաղ բնակիչ։
«Մենք խոսում ենք 100 հազարից ավելի սպանված և վիրավոր ռուս զինվորների մասին: Հավանաբար նույն պատկերն է նաև ուկրաինական կողմից: Սա մարդկային տառապանքի հսկայական մասշտաբ է», – Միլլի խոսքերը մեջբերում է Reuters-ը:Միլլին չի հստակեցրել, թե ինչպես է ինքը ձեռք բերել այս տեղեկությունը։
Ուկրաինայի Զինված ուժերի գլխավոր շտաբը նշում է, որ նոյեմբերի 9-ի դրությամբ պատերազմում զոհվել է ավելի քան 77 հազար ռուս զինծառայող։ ՌԴ պաշտպանության նախարարությունը կորուստների մասին վերջին անգամ հայտնել է սեպտեմբերի 21-ին՝ հայտնելով 5937 թիվը։
