Քաղաքականություն
08.11.2022 | 19:29«Էական է, որ կողմերը պայմանավորվել են եռանդուն կերպով շարունակել համագործակցությունը և ապագայում նորից հանդիպել, դա նշանակում է, որ օրակարգում ընտրվել են հարցեր, որոնք կողմերը պատրսատ են քննարկել և գալ հաաձայնության»,- այս մասին FactorTV-ի հետ զրույցում նշեց «Քաղաքացիական պայմանագիր» խմբակցության պատգամավոր Վիգեն Խաչատրյանը՝ անդրադառնալով Վաշինգտոնում տեղի ունեցած Միրզոյան-Բլինքեն-Բայրամով եռակողմ հանդիպմանը։
Խաչատրյանի դիտարկմամբ՝ հայկական կողմի գերնպատակը ՀՀ-ի համար խաղաղ դարաշրջանի ապահովումն է, որը կսկսվի խաղաղության պայմանագրով, բայց այդ պայմանագիրը խաղաղության երաշխիք չէ, խաղաղության երաշխիքը մեր բանակն է, մեր երկրի հզորացումը։
Անդրադառնալով հարցին, թե խաղաղության պայմանագրի համատեքստում ի՞նչ փոխզիջում կլինի՝ արդյո՞ք Արցախ չունենալը, իշխանական պատգամավորը նշեց, որ Արցախի հարցը մեր կարևորագույն ազգային հարցերից է, բայց այդ հիմնահարցը չի կարող լինել ՀՀ ճակատագիրը որոշող պայման։
«Մեր քաղաքականությունն այնպիսին պետք է լինի, որ երբևիցե Արցախում հայաթափումը չդառնա իրականություն»,- ընդգծեց Խաչատրյանը։ -Որևէ պարագայում Արցախը չպետք է հայաթափվի, բայց այսօր կա կոնկրետ ծրագիր, որն ինչ-որ պահի դառնալու է Արցախի հայաթափություն․․․ Մենք պիտի սպասարկենք մեր շահը, ոչ թե այլ պետության»։
Մանրամասն՝ տեսանյութում։
