21.04.2026 | 10:28
Ադրբեջանն այսօր դիզվառելիքի ևս մեկ խմբաքանակ կուղարկի Հայաստան
Ռուսական զորքերը սկսել են պաշտպանական կառույցներ ստեղծել Մարիուպոլի շուրջ․ բրիտանական հետախուզություն
Քաղաքականություն
08.11.2022 | 20:29
Ռուս զինվորականները սկսել են պաշտպանական կառույցներ ստեղծելլ Մարիուպոլի շուրջ։ Այս մասին ասվում է Մեծ Բրիտանիայի ՊՆ ամենաօրյա զեկույցում, գրում է Meduza-ն։
Պաշտպանության գիծը կառուցում են բետոնե բրգաձև հակատանկային բլոկներից, որոնք հայտնի են որպես «վիշապի ատամներ»։ Բրիտանացի զինվորականների տվյալներով՝ նման կառույցների արտադրությամբ զբաղվում են ռուսական երկու գործարաններ։ Բրիտանական հետախուզությունը ենթադրում է, որ «վիշապի ատամները» տեղակայվել են Մարիուպոլ քաղաքի և Նիկոլսկոյե գյուղի միջև, ինչպես նաև քաղաքի հյուսիսային ծայրամասից մինչև Հին Ղրիմ գյուղ։
Նշվում է, որ Մարիուպոլը ռուսական զորքերի մատակարարման հիմնական գիծն է, և քաղաքն ինքնին հանդիսանում է Ռուսաստանի և Ղրիմի միջև ռազմավարական «ցամաքային կամրջի» մի մասը:
Բրիտանական գերատեսչությունը նշում է, որ նման կառույցների միջոցով պաշտպանական ամրություններ են կառուցվում նաև Խերսոնում և Զապորոժիեի գրավյալլ շրջաններում։
«Ռուսաստանը զգալի ջանքեր է գործադրում իր ներկայիս ճակատային գծի հետևում խորը պաշտպանության պատրաստման համար, որը, հավանաբար, կանխելու է Ուկրաինայի ցանկացած արագ առաջխաղացում բեկումների դեպքում»,- ասվում է զեկույցում։
Էմմա Չոբանյան
