27.07.2026 | 12:43
Ջրափրկարարները խափանված նավակը և քաղաքացուն մոտեցրել են ափ
Տոյվո Կլաարն անդրադարձել է Վաշինգտոնում կայացած Միրզոյան-Բայրամով հանդիպմանը
Քաղաքականություն
08.11.2022 | 18:13
ԵՄ Հարավային Կովկասի ու Վրաստանի հարցերով հատուկ ներկայացուցիչ Տոյվո Կլաարն անդրադարձել է նախօրեին Վաշինգտոնում կայացած ՀՀ ԱԳ նախարար Արարարատ Միրզոյանի, Ադրբեջանի ԱԳ նախարար Ջեյհուն Բայրամովի հանդիպմանը, որը կայացել էր ԱՄՆ միջնորդությամբ։
«Երեկ Վաշինգտոնում տեղի է ունեցել կարևոր հանդիպում Հայաստանի ու Ադրբեջանի ԱԳ նախարարների միջև։ Հուսադրող է, որ Արարատ Միրզոյանն ու Ջեյհուն Բայրամովը ներգրավված են երկկողմ խաղաղության պայմանագրի շուրջ բանակցությունների առարկայական գործընթացում»,-գրել է Կլաարը թվիթերյան իր էջում։
Հիշեցնենք՝ որ եռակողմ հանդիպումից հետո ՀՀ ԱԳՆ-ն հանդես է եկել պաշտոնական հաղորդագրությամբ, իսկ ԱՄՆ Պետքարտուղարությունը հրապարակել է Էնթոնի Բլինքենի բացման խոսքը բանակցություններին ընդառաջ։
Էմմա Չոբանյան
