12.12.2025 | 23:31
Պուտինի օգնականը չի բացառել պատերազմի ավարտից հետո Դոնբասի ապառազմականացումը
Արայիկ Խանդոյանի մոտ նյարդաբանը օջախային նշաններ չի հայտնաբերել. ԱՆ ՔԿՎ
Հասարակություն
30.06.2017 | 12:26
«Դատապարտյալների հիվանդանոց» քրեակատարողական հիմնարկի նյարդաբանի զննությամբ կալանավորված անձ Արայիկ Խանդոյանի մոտ օջախային նշաններ չեն հայտնաբերվել: Այս մասին հայտնեցին ԱՆ ՔԿՎ հանրային կապերի բաժնից:
ՀՀ ԱՆ «Նուբարաշեն» քրեակատարողական հիմնարկի կալանավորված անձ Արայիկ Խանդոյանի պաշտպանը հունիսի 29-ին միջնորդություն էր ներկայացրել քրեակատարողական հիմնարկի պետին իր պաշտպանյալին բժշկական զննության ենթարկելու համար, «…հատկապես պարզել գլխուղեղի ցնցում ստանալու վերաբերյալ փաստը»:
Հիշեցնենք, որ երեկ Ավան և Նոր Նորք վարչական շրջանների ընդհանուր իրավասության դատարանում երեկ 15 անձ դաժան ծեծի էին ենթարկել է «Սասնա ծռեր» խմբավորման անդամ Արայիկ Խանդոյանին:
«Խանդոյանը գտնվել է դատարանի շենքում մեկուսացված, ոստիկանի համազգեստով մի խումբ մարդիկ մտել են ու սկսել ծեծել Արայիկ Խանդոյանին , քանի որ տարածքը փոքր է եղել՝ հերթով են մտել, մի մասը ծեծել դուրս է եկել, մյուսներն են մտել: Շատ հարվածներ ստացել է գլխի, երկիամների և ոտքերի հատվածում»,- Factor.am-ի հետ զրույցում հայտարարել էր նրա փաստաբան Արայիկ Պապիկյանը:
