22.11.2024 | 18:16
Բրազիլիան հետաքրքրված է տեխնլոգիական ոլորտում Հայաստանի հետ համագործակցությամբ
Ալիևը շպրտեց Պուտինի երեսին՝ չկա ԼՂ-ի կոնֆլիկտ․ նա ծպտուն չհանեց, բայց կշտամբում էր ՀՀ-ին․ ինքը երաշխավոր չէ․ Արման Բաբաջանյան․ ՏԵՍԱՆՅՈՒԹ
Քաղաքականություն
07.11.2022 | 20:47
Ռուսաստանն անկարող է երաշխավորել Հայաստանի և Ադրբեջանի միջև խաղաղության պայմանագրի կատարումը, և այդ փաստը գնալով ակնառու է դառնում։ Factor TV-ին տված հարցազրույցում այս մասին ասաց «Հանուն Հանրապետության» կուսակցության ղեկավար Արման Բաբաջանյանը՝ այսպես հիմնավորելով իր տեսակետը․ «Մենք հիմա չունենք այնպիսի Ռուսաստան, ինչպիսին ունեինք 2020 թվականին, այսօր շատ ավելի վատ իրավիճակում է։ Երկրի ղեկավարը, ով գլոբալ գործընթացների մեջ է, «Վալդայ» ակումբում հայտարարում է, որ ինքը շատ կզարմանա, որ ՀՀ-ն հրաժարվի ռուսական առաջարկից, բայց Սոչիում չի կարողանում պաշտպանել իր իսկ բերած առաջարկը։ Սա խոսում է այն մասին, որ ՌԴ-ն ի վիճակի չէ նորմալ հանձնառություն ստանձնել և պաշտպանել այն։ Դա բացահայտվում է Ալիևի և Պուտինի առանձնազրույցի ժամանակ, երբ Ալիևն ուղղակի շպրտում է Պուտինի երեսին, որ հակամարտություն գոյություն չունի, Ղարաբաղ գոյություն չունի, և Պուտինը ծպտուն չի հանում։ Մինչդեռ դրանից երկու օր առաջ կշտամբում էր ՀՀ-ին, որ շատ կզարմանար, որ եթե ՀՀ-ն համաձայնվի Վաշինգտոնի գաղափարներին»։
Ըստ Արման Բաբաջանյանի՝ այս փաստն ինքնին խոսում է այն մասին, որ ՌԴ-ն չի կարող ՀՀ-ի համար հուսալի դաշնակից և գործընկեր լինել հակամարտության կարգավորման տեսանկյունից։ Քաղաքական գործիչը նկատում է, որ Սոչիի հանդիպմանը ՀՀ ղեկավարն էլ Պուտինի առաջ ասաց այն, ինչ մտածում է նրա առաջարկի մասին՝ հայտնեց ակնկալիք, որ ՌԴ-ն կպաշտպանի իր իսկ առաջակները։ Այդ հնարավորությունը, ըստ Բաբաջանյանի, ՀՀ-ի առաջ բացվել է, քանի որ ի դեմս ԱՄՆ-ի՝ կա այլըտրանք ՌԴ-ին։
Նշենք, որ Հայաստանն ու Ադրբեջանը շարունակում են խաղաղության պայմանագրի շուրջ բանակցությունն արդեն Վաշինգտոնում՝ այսօր։ Սոչիի հանդիպմանը Վլադիմիր Պուտինը չկարողացավ կոնկրետ երկու արդյունք ապահովել, ինչի հույսը տալիս էր ՀՀ-ին՝ ԼՂ կարգավիճակի հարցը թողնել ապագային և խաղաղապահների մնալու ժամկետը երկարաձգել։ Ալիևը չհամաձայնվեց։
ՀՀ ԱԽ քարտուղաը Factor TV-ի հարցազրույցում ասաց՝ Վաշինգտոնում քննարկվելու են Ադրբեջանի 5 առաջարկի բացված տարբերակին ՀՀ-ի բացված պատասխանները։
Հարցազրույցն ամբողջությամբ՝ տեսանյութում։
Ռոբերտ Անանյան
