21.04.2026 | 12:05
ԱԺ առողջապահության հարցերի հանձնաժողովի նիստը՝ ՈՒՂԻՂ
Թայվանը հայտարարել է իր ափերին չինական 63 ինքնաթիռների և 4 նավերի մոտենալու մասին
Քաղաքականություն
07.11.2022 | 18:45
Թայվանի Զինված ուժերը երկուշաբթի արձանագրել են Չինաստանի Ժողովրդական ազատագրական բանակի 63 ինքնաթիռների և չորս նավերի մոտենալը դեպի կղզի։ Այս մասին ասվում է Թայվանի պաշտպանական գերատեսչության ամենօրյա զեկույցում, գրում է ՌԻԱ Նովոստին։
«Նոյեմբերի 7-ի ժամը 17:00-ի դրությամբ՝ Թայվանի Զինված ուժերը կղզու մերձակայքում ծովում և օդային տարածքում գրանցել են Չինաստանի Ժողովրդական ազատագրական բանակի 63 ինքնաթիռի և չորս նավի ակտիվություն»,- ասվում է հաղորդագրության մեջ:
Նշվում է, որ Թայվանի նեղուցի, այսպես կոչված, «միջին գիծը» հատել է 31 ինքնաթիռ, այդ թվում՝ երկու J-11 կործանիչ, երկու J-10, քսանչորս J-16, երկու Y-8 հակասուզանավային ինքնաթիռ, մեկ KJ -500 ինքնաթիռ։
Թայվանը օդային պարեկներ է ուղարկել՝ իրավիճակը վերահսկելու համար, ռադիոնախազգուշացումներ է տվել և զենիթահրթիռային համակարգեր տեղակայել, հայտնել են նախարարությունից։
Տաթև Ֆռանգյան
