15.04.2026 | 15:10
ԵՄ-ն նոր առաքելություն կուղարկի ՀՀ // Կարապետյանը՝ ՌԴ-ի և Կիպրոսի անձնագրերից հրաժարվելու մասին․ ԼՈՒՐԵՐ
Meta-ն պատրաստվում է աշխատակիցներին այս շաբաթ տեղեկացնել լայնածավալ կրճատումների մասին․ The Wall Street Journal
Քաղաքականություն
07.11.2022 | 22:26
Տեխնոլոգիական հսկա Meta-ն (նախկին Facebook) պատրաստվում է առաջիկա օրերին զանգվածային կրճատումներ սկսել: Այս մասին հայտնում է The Wall Street Journal-ը՝ հղում կատարելով սեփական աղբյուրներին։
Սպասվում է, որ կրճատումները կանդրադառնան հազարավոր աշխատակիցների վրա։ Դրանց մասին հայտարարությունը կարվի արդեն չորեքշաբթի:
Հաղորդվում է, որ սրանք կլինեն ընկերության պատմության մեջ անձնակազմի առաջին լայնածավալ կրճատումները, թեև տոկոսային առումով կրճատումը կլինի ավելի քիչ, քան Twitter-ում։
Այսօր, ըստ ընկերության տվյալների, Meta-ն ունի ավելի քան 87,000 աշխատակից:
Հիշեցնենք, որ Twitter-ի նոր սեփականատեր Իլոն Մասկը ևս հայտարարել էր, որ աշխատակիցների կրճատում է սպասվում, քանի որ «ընտրություն չկա, երբ ընկերությունը կորցնում է օրական ավելի քան 4 միլիոն դոլար»։
Միաժամանակ, նա հավելել է, որ բոլոր ազատվածներին «առաջարկվել է 3 ամսվա արձակուրդային վճար, որը 50 տոկոսով ավելին է, քան նախատեսված է օրենքով»։
Տաթև Ֆռանգյան
