02.03.2026 | 16:54
Նավթի գները կտրուկ աճել են ԱՄՆ-ի և Իսրայելի կողմից Իրանին հարվածելուց հետո
Ո՞վ է եռակողմ համաձայնագիր կնքելու, ե՞ս․ Հրաչյա Սարգսյան․ ՏԵՍԱՆՅՈՒԹ
Տեսանյութեր
07.11.2022 | 11:05
Կառավարությունը շաբաթներ առաջ հաստատեց Մետրոպոլիտենի համար գույքի, այդ թվում՝ օդափոխության համակարգերի ձեռք բերման համար միջոցներ տրամադրելու մասին որոշումը։ Օդափոխության համակարգերի ձեռք բերման համար նախատեսվել է հատկացնել 480 միլիոն դրամ։
Երևանի քաղաքապետ Հրաչյա Սարգսյանն այսօր գործակարգավարական խորհրդակցության ժամանակ հետաքրքրվեց, թե գործընթացն ինչ փուլում է։
Ֆինանսական վարչության պետ Վիլեն Արևշատյանը պատասխանեց, որ օդափոխության սարքերի համար նախատեսված գումարը հաստատվել է բյուջեով, և այդ մասով խնդիր չկա։
«Ինչ պետք էր, արվել է, դիմել ենք ՏԿԵ, այդ մասին գրություն է ուղարկվել նաև քաղաքապետարան»,- ասաց «Կարեն Դեմիրճյանի անվան Երևանի մետրոպոլիտեն» ՓԲԸ տնօրեն Բաբկեն Սեդրակյանը:
Հարցին, թե լրացուցիչ պայմանագիր կնքվե՞լ է օդափոխության համակարգեր տրամադրող կազմակերպության հետ, Սեդրակյանն արձագանքեց․ «Եռակողմ պայմանագիր պետք է կնքվի քաղաքապետարանի հետ»։
«Ե՞ս եմ կազմակերպելու, որ կնքվի այդ եռակողմ պայմանագիրը․․․ Խոսքն այդ մասին է, կնքեք այդ համաձայնագիրը, որ այդ մարդիկ էլ կարողանան մատակարարումը կատարել»,- հրահանգեց Սարգսյանը։
Մանրամասները՝ տեսանյութում։
