16.09.2026 | 10:44
Եվրահանձնաժողովն իր զեկույցում անդրադարձել է Հայաստանին․ կլինի՞ ՀՀ-ն 2027թ-ի՝ ԵՄ-ի առաջնահերթություններում
Տանզանիայում ինքնաթիռ է կործանվել. առնվազն 26 մարդու կյանք է հաջողվել փրկել
Քաղաքականություն
06.11.2022 | 20:15
Այսօր՝ նոյեմբերի 6-ին, Տանզանիայում վթարի է ենթարկվել Տանզանիայի Precision Air ավիաընկերության ATR-42-500 մարդատար ինքնաթիռը։ Ինքնաթիռն ընկել է Վիկտորիա լիճը։ Զոհերի թիվը հասել է 19-ի։ Այս մասին հայտնում է The Citizen պորտալը։
Ինքնաթիռը մայրաքաղաք Դար էս Սալամից Մվանզա քաղաք էր ուղևորվում, վթարը տեղի է ունեցել, երբ ինքնաթիռը փորձել է վայրէջք կատարել Բուկոբա քաղաքի օդանավակայանում:
Տեղական ԶԼՄ-ները նշում են, որ ընկնելու պատճառը փոթորիկներն ու հորդառատ անձրևներն են։
Նախնական տվյալներով՝ ինքնաթիռում առնվազն 43 մարդ է եղել։ Reuters-ի փոխանցմամբ՝ հաջողվել է փրկել առնվազն 26 մարդու։ Փրկարարական գործողությունը շարունակվում է։
Լուսանկարները՝ Reuters-ի
