26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
ԱՄՆ դեսպանատունը Երևանում կայանալիք հանրահավաքից առաջ զգուշացնող հայտարարություն է տարածել
Հասարակություն
04.11.2022 | 19:48
ՀՀ-ում ԱՄՆ դեսպանատունը նոյեմբերի 5-ին Երևանում կայանալիք հանրահավաքից առաջ հայտարարություն է տարածել։ Հայտարարության մեջ, մասնավորապես, ասվում է․
«Տեղական ԶԼՄ-ները հայտնում են, որ 2022թ․ նոյեմբերի 5-ին՝ ժամը 15:00-ի սահմաններում, Ֆրանսիայի հրապարակում ցույց է սպասվում, որին․ հնարավոր է, հաջորդի երթ: Ցույցերը կարող են անկանխատեսելի լինել, իսկ մասնակիցները կարող են փոխել ուղղությունը ցանկացած պահի` ստեղծելով երթևեկության և տեղաշարժի խցանումներ:
Նույնիսկ ցույցերը, որոնք նախատեսված են, որպես խաղաղ, կարող են վերածվել առճակատման և, հնարավոր է, դառնան բռնի»։
ԱՄՆ դեսպանատունը հորդորել է իր քաղաքացիներին
• Խուսափել վերոնշյալ տարածքից,
• Հետևել տեղական լրատվամիջոցների թարմացումներին,
• Խուսափել ամբոխներից,
• Խուսափել ցույցերից,
• Տեղեկացնել ընկերներին և ընտանիքին սեփական անվտանգության մասին,
• Տեղյակ լինել շրջապատից:
