08.06.2026 | 06:12
1067 ընտրատեղամասերում քվեարկության նախնական արդյունքները․ ԿԸՀ
Պենտագոնը սպառնում է վերջ դնել Կիմ Չեն Ընի ռեժիմին, եթե Հյուսիսային Կորեան միջուկային զենք օգտագործի
Քաղաքականություն
04.11.2022 | 18:27
ԱՄՆ-ը վերջ կդնի հյուսիսկորեական ռեժիմին, եթե Փհենյանը միջուկային զենք կիրառի։ Այս մասին հայտարարել է հայտարարել ԱՄՆ պաշտպանության նախարար Լլոյդ Օսթինը, գրում է Ինտերֆաքսը։
«Օսթինը վերահաստատել է ԱՄՆ-ի հաստատակամ հավատարմությունը ընդլայնված զսպմանը՝ օգտագործելով ԱՄՆ պաշտպանական կարողությունների ողջ շրջանակը, ներառյալ միջուկային, սովորական և հակահրթիռային կարողությունները, ինչպես նաև ոչ միջուկային առաջադեմ կարողությունները»,- ասվում է Վաշինգտոնում կայացած ԱՄՆ-Հարավային Կորեա անվտանգության խորհրդատվական հանդիպման արդյունքների համատեղ հայտարարության մեջ։
Պենտագոնի ղեկավարն ասել է, որ ցանկացած հարձակում ինչպես ԱՄՆ-ի, այնպես էլ դաշնակիցների ու գործընկերների վրա, այդ թվում՝ ոչ մարտավարական միջուկային զենքի կիրառմամբ, կհանգեցնի Կիմ Չեն Ընի ռեժիմի կործանմանը։
Հարավային Կորեայի կողմից հանդիպմանը մասնակցել է պաշտպանության նախարար Լի Չժոն Սոփը։
Հայտարարությունում նաև նշվում է, որ կողմերն «անհանգստություն են հայտնել միջուկային և բալիստիկ հրթիռների կարողությունների զարգացման Հյուսիսային Կորեայի շարունակական ջանքերի, ինչպես նաև մարտավարական միջուկային զենքի կիրառման վերաբերյալ հռետորաբանության կապակցությամբ»:
Էմմա Չոբանյան
