21.04.2026 | 12:05
ԱԺ առողջապահության հարցերի հանձնաժողովի նիստը՝ ՈՒՂԻՂ
«Մեծ յոթնյակի» երկրները և Ավստրալիան պայմանավորվել են ռուսական նավթի ֆիքսված գնային շեմ սահմանել
Քաղաքականություն
04.11.2022 | 14:38
«Մեծ յոթնյակի» երկրները և Ավստրալիան պայմանավորվել են ռուսական նավթի ֆիքսված գնային շեմ սահմանել։ Այս մասին հայտնում է Reuters գործակալությունը՝ հղում անելով իր աղբյուրներին։
Ավելի վաղ Մոսկվան հայտարարել էր, որ կդադարեցնի մատակարարումներն այն երկրներին, որոնք կորոշեն սահմանափակել Ռուսաստանից արտահանվող նավթի արժեքը:
G7-ի երկրները խոստացել են նաև ձմռան նախաշեմին Ուկրաինային մատակարարել ջեռուցիչներ, պոմպեր, ինչպես նաև մահճակալներ, վերմակներ և վրաններ։
«Ռուսաստանը չի կարող օկուպացնել Ուկրաինան։ Նրանք չեն կարող հաղթել ռազմական ոլորտում, մարտի դաշտում։ Նրանք չեն կարող հաղթել պատերազմում։ Նրանք համակարգված քանդում են երկիրը։ Միլիոնավոր ուկրաինացիներ մնում են առանց էլեկտրականության։ Պուտինի ցանկությունն է՝ ձմռանը երկիրը խավարի մեջ գցել, ինչն ինքնին ռազմական հանցագործություն է»,- հայտարարել է ԵՄ դիվանագիտության ղեկավար Ժոզեպ Բորելը։
Ուկրաինայի նախագահ Վլադիմիր Զելենսկիի խոսքով՝ չկարողանալով հաղթել Ուկրաինային մարտի դաշտում՝ Ռուսաստանը դիմում է «էներգետիկ ահաբեկչության», որն առաջին հերթին ազդում է խաղաղ բնակչության վրա։
«Միայն այսօր երեկոյի դրությամբ մոտ 4,5 մլն սպառող ժամանակավորապես զրկված է էլեկտրաէներգիայից՝ վթարային և կայունացման գրաֆիկով»,- հայտարարել է Զելենսկին։
Միաժամանակ, չնայած այն հանգամանքին, որ ամեն ինչ վկայում է Խերսոնի ուղղությամբ ռուսական զորքերի դուրսբերման մասին, ուկրաինացի զինվորականները զգուշացնում են, որ փախուստի նշանները կարող են ծրագրված սադրանքի մաս լինել։
Տաթև Ֆռանգյան
