21.04.2026 | 16:04
Հայաստանը պատրաստ է ընդլայնել կապերը. ՀՀ ԱԳՆ-ն շնորհավորել է Իսրայելի անկախության օրվա կապակցությամբ
Պակիստանի նախկին վարչապետը վիրավորվել է իր կողմնակիցների երթի ժամանակ հրաձգության հետևանքով․ ՏԵՍԱՆՅՈՒԹ
Քաղաքականություն
03.11.2022 | 17:28
Պակիստանի նախկին վարչապետ Իմրան Խանը վիրավորվել է ոտքից իր կողմնակիցների երթի ուղղությամբ արձակված կրակոցների հետևանքով, հայտնում է Sky News-ը։
Տեղական լրատվամիջոցների փոխանցմամբ՝ վիրավորվել են նաև նրա կուսակցությունից հինգ առաջնորդներ։ Հրաձիգը ձերբակալված է։
70-ամյա քաղաքական գործիչը հոսպիտալացվել է, նրա վիճակը կայուն է։ Նախկին վարչապետի կողմնակիցները կատարվածն անվանել են մահափորձ։
Խանն առաջնորդել է Իսլամաբադում բողոքի երթը՝ պահանջելով արտահերթ ընտրություններ, հաղորդում է Reuters-ը:
«Տղամարդն ավտոմատից կրակ է բացել. մի քանի մարդ վիրավոր է։ Իմրան Խանը նույնպես վիրավոր է»,- ասել է աղբյուրը։
«Տուժածները տեղափոխվել են շտապօգնության ավտոմեքենա։ Ուժեղ խուճապ է, մարդիկ շտապում են։ Ոչ ոք չէր հասկանում, թե ինչ է կատարվում»,- պատմել է Sky News-ի լրագրողը։
Տաթև Ֆռանգյան
