13.04.2026 | 20:22
Մրցաշրջանի ամենագեղեցիկ գոլերից մեկը՝ ռաբոնա հարվածով․ ՏԵՍԱՆՅՈՒԹ
14,1%-ը մի վերցրեք ձեր վրա․ դա բիզնեսն է տանջվում, աշխատում․ Քերոբյանի պատասխանը բարկացրեց Սուքիասյանին․ ՏԵՍԱՆՅՈՒԹ
Հասարակություն
03.11.2022 | 15:02
Ազգային ժողովում բյուջետային քննարկումների ժամանակ ՀՀ էկոնոմիկայի նախարար Վահան Քերոբյանի և «Քաղաքացիական պայմանագիր» խմբակցության պատգամավոր Խաչատուր Սուքիասյանի միջև վեճ սկսվեց։
Սուքիասյանը դժգոհություն հայտնեց, նշելով, որ հնչող հարցերին նախարարն անորոշ պատասխաններ է տալիս․ «Շատ պաշտոնյաներ այս կամ այն հարցի վերաբերյալ թվեր են ասում, ժամկետներ են նշում։ Իսկ Դուք ասում եք՝ արեցինք, անում ենք, գնում ենք, պայմանավորվել ենք․․․ Ինձ համար հաճելի չէ էս կարգի էկոնոմիկայի նախարարի հետ զրույց ունենալ։ Ոչ մի թիվ, ոչ մի ծավալի, ոչ մի կազմակերպության մասին չլսեցի, թեև այդքան հարց տվեցինք»։
էկոնոմիկայի նախարարը հակադարձեց, նշելով, որ իր զեկույցը կառուցված էր թվերի վրա։
«Այն, որ Հայաստանն այսօր ունի 14.1 տոկոս տնտեսական ակտիվության ցուցանիշ, արտաքին առևտրաշրջանառությունն ընդհանուր առմամբ 63 տոկոսով աճել է, իսկ ԵԱՏՄ երկրների հետ` ավելի քան 70 տոկոսով։ Ես կարող եմ անվերջ թվեր ասել ձեզ։ Սրանք էկոնոմիկայի նախարարության շնորհիվ են»,- նշեց Քերոբյանը։
Պատգամավորը վրդովված արձագանքեց՝ նշելով, որ այդ ցուցանիշները ձեռք են բերվել հիմնականում նախարարությունից անկախ պայմաններից ելնելով։
Սուքիասյանը հավելեց, որ ինքը շատ լավ տեղյակ է տնտեսական գործընթացներից, տնտեսության ճյուղերից։ Նա վստահեցրեց նաև, որ քաջատեղյակ է, թե ռուս–վրացական սահմանին գտնվող «Վերին Լարս» անցակետում քանի մեքենա է կուտակվել ու քանի մարդ է միլիոններ կորցնում այն պատճառով, որ չի կարողանում ժամանակին հատել սահմանը։
«Կարծում եմ, որ պետական պաշտոնյան գնար ու Լարսում կանգներ ու աներ ամեն ինչ, որ մարդիկ գումարները չկորցնեին։ Մարդիկ իրենց տներն են գրավ դնում, վարկ են վերցնում ու չեն կարողանում պաշտոնյայի հետ կապ հաստատել։ Հիմա էլ ինձ ասում եք` 14.1 տոկոս մի՛ վերցրեք ձեզ վրա, դա բիզնեսն է տանջվում, չարչարվում»,- ասաց Սուքիասյանը։
Մանրամասները՝ տեսանյութում։
