27.07.2026 | 16:33
Իրանը Ֆրանսիայի դեսպանին ԱԳՆ է կանչել՝ երկրի ներքին գործերին «միջամտելու» համար
Ռուսաստանի կախվածությունն իրանական սպառազինությունից աճում է․ ISW
Քաղաքականություն
02.11.2022 | 12:14
Պատերազմի ուսումնասիրման ամերիկյան ինստիտուտը (ISW) նոյեմբերի 1-ի իր վերլուծության մեջ, մասնավորապես, ներկայացրել է ուկրաինական և ամերիկյան աղբյուրներից ստացված հաղորդումները, ըստ որոնց՝ իրանցիները պատրաստվում են Ռուսաստանին մատակարարել անօդաչու թռչող սարքերի նոր խմբաքանակներ, ինչպես նաև բալիստիկ հրթիռներ։ Սա, ըստ վերլուծաբանների, կհանգեցնի իրանական զենքից Ռուսաստանի կախվածության աճին։
հեռուստաալիքը, Իրանը շուտով Ռուսաստան կուղարկի հարյուրավոր նոր կամիկաձե անօդաչուներ, որոնք օգտագործվում են Ուկրաինայի քաղաքացիական ենթակառուցվածքներին հարվածելու համար, ինչպես նաև փոքր հեռահարության տակտիկական բալիստիկ հրթիռներ:
«Ռուսաստանը, ամենայն հավանականությամբ, պայմանավորվել է իրանական լրացուցիչ զենքի մատակարարումների շուրջ, քանի որ Ուկրաինայի պատերազմի ընթացքում, հատկապես Ուկրաինայի կարևոր ենթակառուցվածքի դեմ ռուսական արշավի ժամանակ սպառվել են թևավոր հրթիռների և անօդաչուների սեփական պաշարները», – գրում են ISW-ի վերլուծաբանները:
«Ռուսաստանը, ամենայն հավանականությամբ, կշարունակի անօդաչու թռչող սարքերի և հրթիռային հարվածներ հասցնել Ուկրաինայի կարևոր ենթակառուցվածքներին՝ փորձելով փոխհատուցել իր սովորական ուժերի ձախողումները ճակատում»:
