16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
ԱՄՆ-ն Ուկրաինային ութ միավոր NASAMS ՀՕՊ համակարգ կտրամադրի
Քաղաքականություն
01.11.2022 | 18:16
Վաշինգտոնն Ուկրաինային է փոխանցելու 8 նորվեգա-ամերիկյան NASAMS հակաօդային պաշտպանության համակարգեր և դրանց համար զինամթերք։ Այս մասին Պենտագոնում ճեպազրույցում հայտնել են ԱՄՆ ռազմական պաշտոնյաները, գրում է BBC-ի ռուսական ծառայությունը։
Նշվում է, որ առաջիկայում Ուկրաինա կժամանի երկու համալիր, ավելի ուշ՝ ևս վեցը։ Ամերիկացի զինվորականները նաև պատմել են, որ նախատեսում են ստեղծել անօդաչուների դեմ պայքարի հակազդման համակարգեր, այդ թվում՝ VAMPIRE համակարգը և այլ ռադիոտեղորոշիչ համակարգեր՝ Ռուսաստանի կողմից անօդաչու թռչող սարքերի հարվածների լուրջ սպառնալիքի պատճառով:
NASAMS հակաօդային համակարգերն Ուկրաինայի հակաօդային պաշտպանության համակարգի համար լուրջ համալրում են ոչ միայն ռուսական կործանիչների, այլև թևավոր հրթիռների դեմ։
Նախօրեին, երբ Ռուսաստանը նոր զանգվածային հարված էր հասցրել երկրի էներգետիկ համակարգին, ուկրաինացի պաշտոնյաները հայտնել էին, որ Գերմանիայի տրամադրած IRIS-T համակարգը ցույց է տվել 100 տոկոսանոց արդյունք։ Սակայն նրանք նշել էին, որ Ուկրաինան նման ՀՕՊ համակարգերի կարիքը շատ ունի։
Էմմա Չոբանյան
