27.07.2026 | 13:29
WTA. Էլինա Ավանեսյանը մեծ առաջընթաց է գրանցել դասակարգման աղյուսակում
Էրդողանն առաջիկա օրերին բանակցություններ է անցկացնելու Պուտինի և Զելենսկիի հետ․ Չավուշօղլու
Քաղաքականություն
01.11.2022 | 17:35
Թուրքիայի ԱԳ նախարար Մևլութ Չավուշօղլուն հայտարարել է, որ երկրի նախագահ Ռեջեփ Թայիփ Էրդողանը մտադիր է հացահատիկային գործարքի շուրջ իրավիճակը քննարկել ՌԴ նախագահ Վլադիմիր Պուտինի և Ուկրաինայի նախագահ Վլադիմիր Զելենսկիի հետ, գրում է ՌԻԱ Նովոստին։
«Նախագահն առաջիկա օրերին հեռախոսային բանակցություններ կանցկացնի Պուտինի ու Զելենսկիի հետ»,- ասել է Չավուշօղլուն։
Հավելենք, որ Էրդողանը հացահատիկի գործարքին մասնակցությունը կասեցնելու մասին Ռուսաստանի հայտարարությունից հետո ասել էր, որ Անկարան կշարունակի ջանքեր գործադրել՝ համաշխարհային շուկաներ հացահատիկային ապրանքներ մատակարարելու համար։
Թուրքիայի իշխող «Արդարություն և զարգացում» կուսակցության պաշտոնական ներկայացուցիչ Օմեր Չելիքն իր հերթին այսօր հաստատել է, որ այդ ուղղությամբ աշխատանքներ են տարվում «բոլոր մակարդակներով»։
Էմմա Չոբանյան
