05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Ուկրաինան ՖԻՖԱ-ին կոչ է արել Իրանին զրկել Կատարում կայանալիք աշխարհի առաջնությանը մասնակցելուց
Քաղաքականություն
01.11.2022 | 14:55
Ուկրաինայի ֆուտբոլի ասոցիացիան կոչ է արել ՖԻՖԱ-ին Իրանին զրկել դեկտեմբերին Կատարում կայանալիք աշխարհի առաջնությանը մասնակցելուց՝ պատճառաբանելով մարդու իրավունքների խախտումները և Ռուսաստանին զենք մատակարարելը։
Երեք շաբաթից Իրանը В խմբի չեմպիոնների առաջին խաղում պետք է հանդիպի Անգլիայի հավաքականի հետ։ Այս խմբում են նաև ԱՄՆ-ը և Ուելսը։
Ուկրաինայի ֆեդերացիայի գործկոմը, սակայն, չի խնդրել Իրանի հավաքականը փոխարինել Ուկրաինայի հավաքականով, որը հունիսին Եվրոպայի փլեյ-օֆֆի եզրափակիչում պարտվել է Ուելսին։ Փոխարենը Իրանին Ուկրաինայով փոխարինելու գաղափարն առաջարկել է երկրի առաջատար ակումբը՝ Դոնեցկի «Շախտյորը», որը նման կոչով դիմել է ՖԻՖԱ-ին։
ՖԻՖԱ-ն չի մեկնաբանել Ուկրաինայի խնդրանքը և սովորաբար չի հեռացնում ֆեդերացիայի անդամներին ազգային կառավարությունների ռազմական որոշումների պատճառով, գրում է VOA-ն:
Հիշեցնենք, որ Ռուսաստանն ու Իրանը հերքում են ուկրաինական արտաքին հետախուզության եզրակացությունները, թե ռուս զինվորականներն Ուկրաինայի տարածքը ռմբակոծում են իրանական արտադրության «Շահիդ» անօդաչու թռչող սարքերով։
Տաթև Ֆռանգյան
