12.12.2025 | 23:31
Պուտինի օգնականը չի բացառել պատերազմի ավարտից հետո Դոնբասի ապառազմականացումը
Նախկին նախարարի որդին տարակուսած է, թե ինչպես ՊՆ-ն իր ծառայության մասին տվյալներ չունի
30.06.2017 | 11:58
Հունիսի 29-ին Factor.am-ում հրապարակել էինք «Ո՞ր բարձրաստիճան պաշտոնյաների զավակները չեն ծառայել Հայոց բանակում և ի՞նչ հիմքերով» վերտառությամբ տեսանյութ, որում ներկայացրել էինք մեր հարցմանն ի պատասխան բարձրաստիճան ներկա եւ նախկին 48 պաշտոնյաների զավակների վերաբերյալ ՊՆ-ից ստացած տեղեկատվություն:
ՊՆ ներկայացրած պատասխանում նշված էր, որ տվյալներ առկա չեն մեր ցուցակում նշված պաշտոնյաներից երկուսի` Արա Օսկանյանի եւ Սերգո Կարապետյանի որդիների՝ Արա Վարդանի Օսկանյանի եւ Վաչագան Սերգոյի Կարապետյանի զինվորական հաշվառման մասին:
Գյուղատնտեսության նախկին նախարար Սերգո Կարապետյանի որդին՝ Վաչագան Սերգոյի Կարապետյանը, սակայն, Factor.am-ի հետ զրույցում նախ տարակուսեց, որ իր ծառայության մասին ՊՆ-ն տվյալներ չունի` նշելով, որ 1996-98 թվականներին ծառայել է սահմանապահ զորքերում: Ապա, որպես հավաստիք իր պարտադիր զինվորական ծառայության, մեզ փոխանցեց իր զինգրքույկը, որը եւ հրապարակում ենք: Հրապարակում ենք նաեւ մեր հարցման` Վ․ Կարապետյանին վերաբերող հատվածը, ՀՀ ԿԸՀ-ում Վաչագան Կարապետյանի գրանցման հասցեն, ինչպես նաեւ` ՊՆ պատասխանը:
