18.08.2026 | 14:51
Փաշինյանն ու ԱՄՆ կոնգրեսականը քննարկել են TRIPP նախագծի իրականացման ընթացքը
Ուկրաինայի ՀՕՊ-ի խոցած ռուսական հրթիռն ընկել է Մոլդովայում
Քաղաքականություն
31.10.2022 | 17:41
Մոլդովայի հյուսիսում ռուսական հրթիռ է ընկել, որը խոցվել է Ուկրաինայի ՀՕՊ-ի կողմից։ Այս մասին հայտնում է ՌԲԿ Ուկրաինան՝ վկայակոչելով Մոլդովայի ներքին գործերի նախարարությանը։
«Այսօր առավոտյան Մոլդովայի Նասլավչա քաղաքի հյուսիսային արվարձանում՝ Ուկրաինայի հետ սահմանին, հրթիռ է ընկել, որը խոցվել էր ուկրաինական հակաօդային պաշտպանության համակարգի կողմից»,-ասվում է հաղորդագրության մեջ։ Նշվում է, որ զոհերի մասին տեղեկություններ չկան, հայտնի է միայն, որ մի քանի տների պատուհաններ են վնասվել։
Ուկրաինայի իշխանությունների հաղորդմամբ՝ այսօր առավոտյան ռուսական կողմը անօդաչուներով հարձակում է գործել Դնեստրի ամբարտակի վրա, որը գտնվում է Նասլավչայի ամբարտակից 10 կմ հեռավորության վրա։ Ռուսական հարձակումը չի վնասել ամբարտակը, սակայն դրա հետ կապված էլեկտրական բաղադրիչներն են վնասվել։
Էմմա Չոբանյան
