21.04.2026 | 13:24
Հոդվածում նշված տեղեկությունները իրականության հետ կապ չունեն․ վարչապետի խոսնակը՝ Փաշինյանի դստեր հետ կապված հրապարակման մասին
Ի հեճուկս ՌԴ-ի՝ Թուրքիան, Ուկրաինան ու ՄԱԿ-ը պահպանում են հացահատիկային գործարքը
Քաղաքականություն
31.10.2022 | 16:13
ՄԱԿ-ի, Թուրքիայի և Ուկրաինայի պատվիրակությունները հոկտեմբերի 31-ին համաձայնեցրել են «հացահատիկային միջանցքով» նավերի տեղաշարժի ժամանակացույցը։ Այս մասին հայտնել է Համատեղ համակարգման կենտրոնի ՄԱԿ-ի ներկայացուցիչը, գրում է currenttime.tv-ին։ Նշվում է, որ այդ մասին տեղեկացրել են նաև Ռուսաստանին՝ չնայած, որ ավելի վաղ Մոսկվան հայտնել էր, թե դադարեցնում է իր մասնակցությունը «հացահատիկային գործարքում»։
«Ուկրաինայի, Թուրքիայի ու ՄԱԿ-ի պատվիրակությունները համաձայնեցրել են հոկտեմբերի 31-ին ծովային հումանիտար միջանցքով 16 նավերի շարժը , որոնցից 12-ը Ուկրաինայից են գնում, 4-ը՝ ժամանում։ ՄԱԿ-ի պատվիրակությունը տեղեկացրել է ՌԴ-ի պատվիրակությանը տեղաշարժի մասին ընթացակարգերին համապատասխան»,-ասվում է հաղորդագրության մեջ։
Համատեղ համակարգման կենտրոնից հավելել են, որ ևս 6 նավ գործարքի շրջանակում դուրս է եկել ուկրաինական նավահանգիստներից երեկ, սակայն դեռ չի մտել հումանիտար միջանցք։
Հիշեցնենք, որ հոկտեմբերի 29-ին ՌԴ-ն կասեցրել է իր մասնակցությունը «հացահատիկային գործարքում»՝ կապված Սևաստոպոլում նավերի վրա անօդաչու թռչող սարքի հարձակման հետ։
Էմմա Չոբանյան
