31.10.2026 | 22:55
Հայտնաբերվել է զինծառայողի դի. ՊՆ
Հրապարակվել են Բրազիլիայի նախագահական ընտրությունների նախնական արդյունքները
Քաղաքականություն
31.10.2022 | 12:19
Բրազիլիայում կիրակի օրը կայացած նախագահական ընտրություններում ձախերի առաջնորդ Լուիս Ինասիո «Լուլա» դա Սիլվան ձայների նվազագույն տարբերությամբ առաջ է անցել երկրի գործող նախագահ Ժաիր Բոլսոնարոյից, գրում է BBC-ի ռուսական ծառայությունը։
Ինչպես հայտարարել է Բրազիլիայի Գերագույն ընտրական դատարանը, նախնական տվյալներով Լուլան երկրորդ փուլում հավաքել է ձայների 50,85 %-ը, Ժաիր Բոլսոնարոն՝ 49,15%-ը։
«Ես պատրաստ եմ ստանձնել մեր երկրի ղեկավարությունը, որը հայտնվել է շատ դժվարին իրավիճակում: Բայց ես հավատում եմ, որ Աստծո և քաղաքացիների օգնությամբ մենք կարող ենք այնպես անել, որ մեր երկիրը կրկին կարողանա ապրել ժողովրդավարական սկզբունքներով և ներդաշնակությամբ: Մենք կարող ենք վերադարձնել խաղաղությունը ընտանիքներում, հաշտեցնել տարբեր դիրքորոշումները և կառուցել Բրազիլիան, որն անհրաժեշտ է մեզ բոլորիս»,- ասել է Լուլան ընտրությունների արդյունքների հրապարակումից հետո: Լուլային ընտրվելու կապակցությամբ արդեն շնորհավորել Լատինական Ամերիկայի մի շարք պետությունների ղեկավարներ, Միացյալ Նահանգների և Ֆրանսիայի նախագահները, Կանադայի վարչապետը։ Չնայած դրան՝ Ժաիր Բոլսոնարոն ձայների հաշվարկի ավարտից հետո դեռևաս չի ընդունել մրցակցի հաղթանակը։ Բոլսոնարոն ընտրություններից առաջ հող էր նախապատրաստում պարտության դեպքում արդյունքները վիճարկելու համար, այժմ Բրազիլիայում շատերը չեն բացառում հնարավոր ակցիաներն ու բախումները։
