25.11.2024 | 21:30
Երևանում և 7 մարզում էլեկտրաէներգիայի անջատումներ կլինեն
Նենսի Փելոսիի 82-ամյա ամուսինը հարձակման է ենթարկվել․ նա հիվանդանոցում է
Քաղաքականություն
28.10.2022 | 18:51
ԱՄՆ Ներկայացուցիչների պալատի խոսնակ Նենսի Փելոսիի ամուսինը դաժան հարձակման է ենթարկվել իրենց տուն ներխուժելուց հետո, հայտնում է Skynews-ը:
Կասկածյալը ձերբակալվել է, իսկ 82-ամյա Փոլ Փելոսին հիվանդանոցում է, տեղեկացրել է Նենսի Փելոսիի խոսնակ Դրյու Հեմիլը։
«Այսօր վաղ առավոտյան հանցագործը ներխուժել է Սան Ֆրանցիսկոյում գտնվող Փելոսիի առանձնատուն և դաժանորեն հարձակվել պարոն Փելոսիի վրա»,- ասել է նա՝ նշելով, որ հարձակվողը կալանքի տակ է, իսկ հարձակման դրդապատճառները հետաքննվում են։
«Պարոն Փելոսին տեղափոխվել է հիվանդանոց, որտեղ ստանում է գերազանց բժշկական օգնություն։ Ակնկալվում է, որ նա լիովին կապաքինվի»,- հավելել է Դրյու Հեմիլը։
Նշվում է, որ Նենսի Փելոսին հարձակման ժամանակ Սան Ֆրանցիսկոյում չի եղել։
Տաթև Ֆռանգյան
